СПОРТТЫҚ КАРАТЭДЕН РЕСПУБЛИКАЛЫҚ ЧЕМПИОНАТ

ДИКТОР: Спорттық каратэден ұйымдастырылған Қазақстан Республикасының чемпионатына еліміздің 7 облысынан 150 спортшы қатысты. 6 мен 35 жас аралығында сайысқа қатысқандар үздіктердің қатарынан көріну үшін жанын салды.

ЗКТ: Әр облыстан келген қатысушылар кумитэ және катэ сияқты екі тәртіп бойынша бақтарын сынады. Каратэшілер өз шеберліктерін жоғары деңгейде көрсете білді. Олардың көпшілігі жарыстың жеңімпаздары мен чемпиондары атанды.

СНХ: НҰРАЛЫ ЖЕТКІНШЕКҰЛЫ, ЖАРЫСҚА ҚАТЫСУШЫ: Мен осымен үшінші рет Көкшетау қаласына келіп, жүлделі орындарға ие болдым. Соңғы 5-7 жыл көлемінде көп еңбектендім. Өзімнің сенсейіме және мені осы спорт түріне берген ата-анама алғысымды білдіремін. Каратэ федерациясына да ризашылығым шексіз. Балқаш қаласынан келген қарсыласым мықты болды. Десе де, жеңіске деген жігерімнің арқасында бірінші орынды иелендім.

ИНТЕРШУМ: жарыс барысынан көріністер

РКС: Ислам Зейнулланың каратэге келгеніне көп бола қойған жоқ. Ол екі тәртіп бойынша екі мәрте үшінші орынды иеленіп, жарыс жеңімпазы атанды.

СНХ: ИСЛАМ ЗЕЙНУЛЛА, ЖАРЫСҚА ҚАТЫСУШЫ: Жеңіс үшін күресу өте қиын.Кумитэде қарсыластың бәрі мықты. Катэде бірінші орын алдым екен деп тоқмейілсуге болмайды. Жеңіске жету үшін көп тер төгу керек.

ИНТЕРШУМ: демонстрация

СНХ: РУСЛАН ДҮКЕМБАЕВ – ҚР СПОРТТЫҚ КАРАТЭ ФЕДЕРАЦИЯСЫНЫҢ ПРЕЗИДЕНТІ: Республикалық чемпионаттан соң әлемдік деңгейдегі жарыс өтеді. Барлық спортшы жақсы дайындықпен келген. Лайықтылары көп.

РКС: Тамыз айында Венгрияда әлем чемпионаты өтеді деп жоспарланған.

СНХ: ЕСІЛБЕК РАМАЗАНОВ – ҚР СПОРТТЫҚ КАРАТЭ ФЕДЕРАЦИЯСЫНЫҢ ҚҰРМЕТТІ ПРЕЗИДЕНТІ: Бұл әлем чемпионатында ел намысын лайықты қорғайтындарды іріктеу кезеңі деп айтсақ та болады. Алдағы уақытта барлық жеңімпаз еліміздің атынан шығу құқығын иеленеді.

ЛАУРА ДӘУЛЕТБЕК, РАХАТ САЛЕЕВ, ПАВЕЛ СОЛОВЬЕВ, КӨКШЕ АҚПАРАТ