Жастар есірткіге қарсы
ДИКТОР: Көкшетаудағы гуманитарлық-техникалық академияның бірінші курс студенттері полиция қызметкерлерімен кездесті. «Жастар-ресурстық орталығы» облыстық полиция департаментімен бірлесіп «Заң және тәртіп» бағдарламасы аясында ағарту іс-шарасын ұйымдастырды.
РКС: Студенттермен ашық диалог форматында жасөспірімдер мен жастар ортасының өзекті мәселелері талқыланды. Бұзушылық іс-әрекеттер үшін құқықтар мен міндеттер, жауаптылық және есірткінің заңсыз айналымының қаупі айтылды. Бұл студенттердің құқық қорғау органдары өкілдерімен кездесуі барысында негізгі тақырып болды. Талқылауға ювеналдық және криминалдық полиция, есірткіге қарсы күрес басқармасы және патрульдік полиция батальонының қызметкерлері қатысты. Полиция қызметкерлерінің мәліметінше, 2026 жылдың басынан бері есірткі қылмысы үшін 70-тен аса жасөспірім ұсталған. Профилактикалық жұмыстың басты міндеттерінің бірі - мұндай жағдайлардың алдын алу және жастарға есірткінің заңсыз айналымына қатысудың қандай жауапкершілікке алып келетінін түсіндіру.
СНХ: РӘЗИЯ ҚҰРСАНОВА, ОБЛЫСТЫҚ ПОЛИЦИЯ ДЕПАРТАМЕНТІ ЕСІРТКІ ҚЫЛМЫСЫНА ҚАРСЫ ІС-ҚИМЫЛ БАСҚАРМАСЫНЫҢ АҒА ЖЕДЕЛ УӘКІЛІ: Заң және тәртіп тұжырымдамасын іске асыру мақсатында бүгінгі таңда бұл тақырып біздің жастарымыз үшін құқықтық сауаттылықты қалыптастыру үшін, баланың қандай құқықтары, қандай міндеттері бар екенін түсіну үшін ғана емес, жасөспірімдерді құқық бұзушылыққа тартуға жол бермеу үшін де өзекті болып табылады. Өзіміздің жұмыс бағытымызды ескере отырып, бүгінгі таңда нашақорлық тақырыбы біздің өңір үшін ғана емес, жалпы республика үшін де өте өзекті екенін айтқым келеді. Ең бастысы, есірткіге қарсы әрекет міндетті түрде қылмыстық немесе әкімшілік жауапкершілікке әкеп соқтыратынын түсіндіру.
РКС: Ұйымдастырушылардың айтуынша, мұндай кездесулердің басты мақсаты - жастарды заңнама талаптары туралы ақпараттандыру ғана емес, студенттерге өз шешімдерінің салдарын түсінуге көмектесу. Қатысушыларға заңды сақтау жеке жауапкершіліктен басталатыны, ал уақытылы көмек алу көптеген проблемаларды болдырмауға мүмкіндік беретіні түсіндірілді.
СНХ: ЕРАСЫЛ ҚАЙЫРБАЙ, СТУДЕНТ: Мен бүгінгі дәрісте жалпы есірткінің зияны туралы және есірткінің зардабы бар екенін, ол үшін түрмеге қамалатынын білдім. Есірткі - бұл өте зиян. Мен болашақта қаржыгер боламын деп мақсат қойдым. Және Қазақстан Республикасының заңын сақтағым келеді.
РКС: Ұйымдастырушылардың айтуынша, мұндай кездесулер жастарға заңнама талаптарына жақсы бағдар алып, өз шешімдеріне саналы түрде қарауға көмектеседі. Басты мақсат - құқық бұзушылықтың алдын алу және болашақ үшін жауапкершілік жеке таңдаудан басталатынын ұғындыру.
МАҚПАЛ АЙБАБИНА, ЗАРИНА САПАРҒАЛИЕВА, САБЫРБЕК ШЕРИЯЗДАНОВ, ЖАМБЫЛ БАЛТАЕВ, КӨКШЕ АҚПАРАТ