6,5 мыңнан аса көкөніс өңірдің тұрақтандыру қорына жіберіледі
ДИКТОР: Көкшетау тұрғындары маусымаралық кезеңде әлеуметтік маңызы бар азық-түлік тауарларымен қамтамасыз етіледі. Қыста және көктемде бағаның өсуін тежеу үшін «KOKSHE» әлеуметтік-кәсіпкерлік корпорациясы көкөніс қорын алдын ала қалыптастырды. Тұрақтандыру қоры 6 мың 785 тонна өнімге келісімшарт жасады.
РКС: «Агротрейд Көкше» серіктестігі 20 жылдан аса уақыттан бері көкөніс өсірумен айналысып келеді. Әлеуметтік-кәсіпкерлік корпорациямен ынтымақтастық аясында биыл кәсіпорын 784 тонна картоп пен 586 тонна сәбізді арзан бағамен супермаркет сөрелеріне жеткізуде.
СНХ: БЕЙБАРЫС ІЗІМБЕРГЕН, «АГРОТРЕЙД КӨКШЕ» СЕРІКТЕСТІГІНІҢ АТҚАРУШЫ ДИРЕКТОРЫ: Біз 20 жыл ішінде Қазақстан нарығында жеткізуді жүзеге асырамыз. Өзбекстанға, Тәжікстанға және Ресейге экспорт жасаймыз. 2023 жылдан бастап біз өнімді форвардтық жеткізу шеңберінде әлеуметтік кәсіпкерлік корпорациясымен ынтымақтастықты бастадық. Осы қолдаудың арқасында біз қаражатты өте тез, ыңғайлы аламыз және көкөніс өсіруге бағыттадық. Бұл картоп пен сәбіз. Осының арқасында біз халық үшін әлеуметтік төмен бағамен картоп пен сәбіз өнімдерін жеткіземіз.
РКС: Картоп, сәбіз, пияз және қырыққабат - әлеуметтік маңызы бар өнімдер тізбесіне кіретін негізгі көкөністер. Жыл сайын маусымаралық кезеңде олардың құны өсуде. Көкшетаулықтар бұл өнімдерді жоғары бағамен сатып алмауы үшін «KOKSHE» әлеуметтік кәсіпкерлік корпорациясы Ақмола және Солтүстік Қазақстан облыстарының ауыл шаруашылығы тауарларын өндірушілерімен шарттар жасасты. Нарықтағы көкөніс бағасын ұстап тұруға көмектесетін тетіктердің бірі - өнімді форвардтық әдіспен сатып алу.
СНХ: АЛМА ӘБДІРАХМАНОВА, «KOKSHE» ӘКК АЗЫҚ-ТҮЛІКПЕН ҚАМТАМАСЫЗ ЕТУ ЖӘНЕ САУДА ДЕПАРТАМЕНТІНІҢ ДИРЕКТОРЫ: Бекітілген ережелерге сәйкес әлеуметтік кәсіпкерлік корпорациясы қала халқының үш айлық қажеттілігінің 30 проценті шегінде қор қалыптастырады, бұл жылына шамамен 5 600 тоннаны құрайды. Өз кезегінде корпорация 785 тоннаға келісімшарт жасады, яғни ұсынылған қажеттілік толығымен жабылды. Ережеге өзгерістер енгізілгендіктен, бізге өнімді сатып алуға және тікелей өндірушіде сақтауға мүмкіндік беретін форвардтық қаржыландыру қосылды. Сәйкесінше, біз көктемде келісім жасасып, тауар құнының 70 процентін төлейміз. Ережеге сәйкес, өнімді броньнан шығару күзгі-қысқы кезеңде басталады.
РКС: Форвардтық сатып алулардың арқасында қажетті көлемдер алдын ала дайындалады, ал көкшетаулықтар жақсы бағамен азық-түлік сатып алу мүмкіндігіне ие болады. Әлеуметтік-кәсіпкерлік корпорацияда атап өткендей, тұрақтандыру қорынан азық-түлік тауарлары нарықтағыдан 20 процентке төмен бағамен сатылады.
МАҚПАЛ АЙБАБИНА, ВЕРОНИКА ЦВЕТКОВА, ЖҮРСІН ӨМІРЗАҚ, КӨКШЕ АҚПАРАТ.