Жобаларды басқару бойынша 10 күндік интенсив басталды
ДИКТОР: Көкшетауда мемлекеттік қызметшілерді жұмыс міндеттерін орындауға арналған цифрлық шешімдерді әзірлеуге үйретеді. Aqmola Hub-та жобаларды басқару бойынша 10 күндік оқыту басталды. Қатысушылар үшін оқу тегін. Курс заманауи басқару құралдарын меңгеріп, IT саласында арнайы білімі болмаса да, ақылды шешімдерді енгізгісі келетіндерге арналған.
РКС: Марафонды 40-тан астам қатысушы бастады. Бірінші аптада олар дизайн-ойлау негіздерін үйреніп, тапсырмаларды оңтайландыруға арналған жасанды интеллект құралдарын меңгерді. Идеядан бастап дайын шешімге дейінгі процесті құруға басымдық беріледі. Практикалық тапсырмалар мен командалық жұмысқа ерекше көңіл бөлінуде.
СНХ: БОТА МҰСА, КӘСІПКЕР: Негізгі міндет – өнімдерді қалай дұрыс құру керектігін, жобалық-өнімдік ойлауды және процестерді басқаруды үйрету. Биыл жасанды интеллект қарқынды дамып келеді. Жаңа технологиялардан қалыс қалмау үшін осы интенсивті ұйымдастырып отырмыз. Бұл 10 күн толықтай жобаларға бағытталады. Алдымен теорияны меңгеріп, кейін тәжірибеге көшеміз. ChatGPT сияқты жаңа AI құралдары мен сервистерін үйренеміз. Сондай-ақ жобалар, өнімдер және веб-сайттардың қалай жасалатынын қарастырамыз.
РКС: Қатысушылар екінші аптада оқуын Zoom платформасы арқылы онлайн форматта жалғастырады. Бағдарлама аясында консультациялар өткізіліп, өз жобаларын жетілдіруге және өз бетінше тәжірибе жасауға мүмкіндік беріледі.
СНХ: СӘУЛЕ СЕМБАЕВА, ҚАТЫСУШЫ: Менің ойымша, бұл оқу өзекті. Мемлекеттік басқару саласында ғана емес, әртүрлі жобаларды басқаратын менеджерлер үшін де қажет. Мұнда жобаларды басқару үшін қандай AI құралдарын қолдануға болатыны үйретіледі. Сондай-ақ біз жасайтын бағдарламалар мен басқа да өнімдердің тұрғындар мен пайдаланушыларға пайдалы әрі тиімді болуы үшін қандай шешімдер қажет екенін қарастырамыз.
СНХ: АҒЗАМ НҰРЫМ, ҚАТЫСУШЫ: Біршісінде біз курстың бірінші күнінде біз дизайн етіп, сізге ойындар. Қалай пайдалы қолдануға, қалай тиімді қолдануға деген. Ол көрсетпе, біз өзіміздің IT білімімізді дамытамыз. Бүгін таңдап көрсете, ақпараттың әр түрлі бөлімдеріне мамандар жиналды.
РКС: Жобаның қорытынды кезеңінде командалар өз шешімдерін сарапшыларға таныстырады.
ДИНАРА НҰРМҰХАЕНОВА, ВЕРОНИКА ЦВЕТКОВА, ПАВЕЛ СОЛОВЬЁВ, АЛМАС СӘДУАҚАСОВ, КӨКШЕ АҚПАРАТ.