ДИКТОР: Степногорск қаласында бағалы металдың заңсыз айналымы полиция қызметкерлері тарапынан тоқтатылды. Құқық қорғау органдары заңсыз алтын іздеушілердің екі бригадасын ұстады. Олар алтын құрамы бар шикізатты өңдеген. Ішкі істер министрлігінің хабарлауынша, Заводской кенті аумағынан екі жасырын цех анықфталып, олардың жұмысы тоқтатылды. Тергеу барысында күдіктілердің арнайы жабдықты қолдана отырып, бағалы шикізаттан алтын алу процесін ұйымдастырғаны белгілі болды. Оқиға орнын қарау және тінту кезінде шамамен 800 келіге жуық алтын құрамды материал, екі өңдеу кешені, сондай-ақ 30 грамм алтын тәркіленді. Аталған деректер бойынша қылмыстық іс қозғалды. Тергеу амалдары жалғасуда. Құқық қорғау органдары заңсыз қызметтің мән-жайын қарастырып, іске қатысы бар басқа да тұлғаларды анықтауда.