ДИКТОР: Биыл Конституцияның қабылданғанына 30 жыл толып отыр. Ата Заң – еліміздің тәуелсіздігі мен мемлекеттілігінің басты кепіліне айналған негізгі құжат. Осы айтулы мерейтойға орай шаһардың жаңа жағалауында салтанатты шара өтті. Оған әскери қызметшілер, мемлекеттік қызметкерлер мен аймақ басшысы Марат Ахметжанов қатысты.
ИНТЕРШУМ:
РКС: Мерекелік шараның ашылу салтанатында аймақ басшысы Ақмола облысының тұрғындарын айтулы мерекемен құттықтады. Ол өз сөзінде Конституцияның тарихи мәніне тоқталып, әрбір қазақстандық үшін Ата Заңның маңыздылығын атап өтті.
СНХ: МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ:///қаз///00:16/// Қазақстан Республикасының конституция күнімен шын жүректен құттықтаймын. Түрік қағанаты, алтын орда, қазақ хандығы барлығы да мықты мемлекеттік құрылыммен, өзіндік құқықтық жүйемен ерекшеленеді. Осы тарихи сабақтастықтың жалғасы ретінде республикамыздың басты заңы конституция дүниеге келді. 30 жыл бұрын жалпы халықтық референдумда қабылданған бұл тарихи құжат еліміздің демократиялық зайырлы құқықтық және әлеуметтік мемлекет ретінде іргетасын қалады. Конституция еліміздің тәуелсіздігін айқындаған, мемлекеттілігімізді нығайтқан қоғамымыздың тұрақты дамуына жол ашқан басты құжат.
РКС: Ата Заңымызды ұлықтауға арналған мерекелік шараға Ұлттық Ұланның үлгілі өнер оркестрі мен ән-би ансамблі арнайы шақырылды. Кеш барысында әсем әуендер шырқалып, түрлі би қойылымдары ұсынылып, жиналған көпшілікке патриоттық рух пен көтеріңкі көңіл күй сыйлады.
ИНТЕРШУМ:
СНХ: ӘЛІБЕК ӘБДІЛОВ, ҚР ІІМ ҰЛТТЫҚ ҰЛАННЫҢ РЕСМИ ӨКІЛІ: Ұлттық ұлан атынан және ұлттық ұлан бас қолбасшысы генерал-майор Аңсаған Батырбековтың атынан барша қазақстандықтарды, Көкшетау өңірінін тұрғындарын осы Конституция күнімен құттықтаймыз. Ата заңымыз - біздің мемлекетіміздің мызғымас тұғыры. Осылай ата заңымызды құрметтеп, Президентіміз бекіткен "заң мен тәртіп" қағидатын сақтап өркендеуші мемлекеттер қатарына қосылу барысындағы әрі қарай дамуымыз жалғаса берсін.
РКС: Шара барысында еңбегімен еленіп жүрген бірқатар қызметкер облыс әкімінің Алғыс хатымен марапатталды. Марапат иелері көрсетілген құрмет үшін ризашылықтарын білдіріп, өз еңбектерінің бағалануы ерекше ынталандыратынын атап өтті.
ИНТЕРШУМ:
СНХ: ФАРИДА ДӘРІМОВА, "АЛТЫН ДӘН" БАЛАБАҚШАСЫНЫҢ МЕҢГЕРУШІСІ (ҚОСШЫ ҚАЛАСЫ): Өте қуаныштымын. Қазақстан Республикасының төл мерекесі Конституция күніне орай отыз жылды артқа тастап, осындай үлкен мерекелік шара өткізіп жатқанына өте қуаныштымын. Халықтың ризашылығы керемет. Өте жоғары деңгейде өтуде, алғысымыз шексіз.
РКС: Мерекелік шараға жиналған халықтың қарасы қалың. Қатысушылар елдің дамуына үлес қосып жүрген белгілі тұлғалардың құттықтау сөздерінен және патриоттық әндерден рухтанып, тағы бір мәрте Ата Заңның қадір-қасиетін терең сезінді.
СӘНИЯ ЕСІМСЕЙІТОВА, МЕДЕТ ҚАЙЫРКЕНОВ, КӨКШЕ АҚПАРАТ