ДИКТОР: Биыл Жарқайың ауданында 695 мың гектар жерге дән сіңірілді. Астықтың шығымдылығы гектарына 11 центнерден айналуда. Аудандағы ауыл шаруашылығының мамандары орақ науқанын алдағы 22 күннің көлемінде толық аяқтаймыз деп отыр.
РКС: Жарқайың ауданындағы орақ науқанында 1 мыңға жуық комбайн жүр. Оның 112 данасы соңғы үлгідегі жаңа техникалар. Жанар жағармай жеткілікті, маман тапшылығы жоқ.
СНХ: ТАЛҒАТ БЕЙСЕНОВ, АУДАНДЫҚ КӘСІПКЕРЛІК ЖӘНЕ АУЫЛ ШАРУАШЫЛЫҒЫ БӨЛІМІ БАСШЫСЫНЫҢ ОРЫНБАСАРЫ: Бүгінгі таңда 126 мың гектар алқаптан астық жиналды. Шығымдылығы гектарына 11 центнерден айналуда. Бүгінге дейін 130 мың тонна астық қамбаға құйылды. Элеваторлар, сақтау қоймалары 100 процент дайын. Егінді 20-25 күнде толық жинап аламыз деген жоспар бар.
РКС: Ауданда 8 астық қабылдау кәсіпорны жұмыс істеп тұр. Олар 500 мың тоннаға дейін алтын дәнді сақтай алады. Одан басқа ауыл шаруашылығы құрылымдарының өзінде 324 мың тонна астық сақтайтын жеке қоймалары бар. Аудан аумағындағы 11 астық кептіргіш те дайын.
МАҚПАЛ АЙБАБИНА, АЛМАС СӘДУАҚАСОВ, КӨКШЕ АҚПАРАТ