ДИКТОР: Былтыр рекордтық астық жинаған Ақмола облысында орақ науқаны қыза түсті. Диқандар күн райының ашық сәтін пайдаланып, бітік шыққан бидайды шашау шығармай жинап алуға барынша тырысуда.
ИНТЕРШУМ:
РКС: Зеренді ауданындағы «Дихан плюс» серіктестігі орақ науқанын шілденің соңында бастаған. Биыл 25 мың гектарға жуық алқапқа дән сіңірген. Бидай алқабының тең жартысын және жасымықты толық жинап алған серіктестік бүгінде рапс оруға кірісті.
СНХ: ДЕНИС ШВАЙБОВИЧ, СЕРІКТЕСТІК БАСШЫСЫ: Бір тонна рапстан шамамен 380 киллограмм май алынады. Еліміз бен шетелде бұл майлы дақылға деген сұраныс өте жақсы. Бұл өнім күнбағыс майымен қатар қолданылады. Және кетчут, майонез сынды тағамдар, биоотын жасайды. Бидайды да уақытылы алып үлгеріп жатырмыз. Дегенмен ылғал былтырғыдай көп болған жоқ. Астық шығымдылығы гектарына 13-17 центнерден айналуда. Бірақ бидайдың сапасы өте жақсы.
РКС: Қамбаны алтын дәнге толтыру үшін облыс аумағындағы егістіктерде 7 мыңға жуық комбайн жұмыс істеуде. Данияр Сонгиннің комбайн тізгіндеп жүргеніне 15 жылдан асқан.
СНХ: ДАНИЯР СОНГИН, КОМБАЙНШЫ: Бидай алдық. Енді рапс алып жатырмыз. Астықтың сапасы жақсы, джондирда істеп жатырмын. Әлі лен бар, подсолнух бар. Жұмыс жетеді, ауа райы бұйырса бәрі жақсы болады.
РКС: Ақмолалық аграрийлер биыл 5,5 млн гектар жерге дән сіңірді. Биыл шамамен 6 млн тонна астық және 650 мың тонна майлы дақыл жинаймыз деп отыр.
МАҚПАЛ АЙБАБИНА, ПАВЕЛ СОЛОВЬЕВ, КӨКШЕ АҚПАРАТ