ДИКТОР: Конституция күні қарсаңында Көкшетау қалалық халыққа қызмет көрсету орталығында #ATAZAN_AZAMAT_KZ республикалық челленджі өтті. Кәмелеттік жасқа толған жасөспірімдерге салтанатты түрде алғашқы жеке куәлігі табысталды. Айта кетейік, аталған шара Қазақстан Республикасы Негізгі Заңының 30 жылдығына арналды.
РКС: Аида Мырзахметова – Конституцияның мерейлі жылында алғаш рет ресми құжатын қолына алды. Жасөспірім бүгінгі оқиғаның маңыздылығын ерекше сезінетінін жеткізді. Себебі, осы құжат арқылы ол өзінің жеке тұлға екенін дәлелдесе, екіншіден, ел өміріне толыққанды қатысуға да жол ашылып отыр.
СНХ: АИДА МЫРЗАХМЕТОВА, КӨКШЕТАУ ҚАЛАСЫНЫҢ ТҰРҒЫНЫ: Конституцияның 30 жылдығын атап өтіп жатырмыз, баршаңызды осы мерекемен құттықтаймын. Жеке куәлік алып жатқан немесе жуырда қолына тиетін барлық құрдастарымды құттықтағым келеді. Сыйлық та берді, алғысым шексіз. 16 жыл осы Көкшетаудың ауасымен тыныстап келемін. 16-ға толдым.
РКС: Құжаттарды табыстау рәсімінде қоғам өміріндегі жастардың ерекше ролі түсіндіріліп, Конституцияның маңыздылығы атап өтілді.
СНХ: ЕРЛАН ДАУЫЛБАЕВ, «АЗАМАТТАРҒА АРНАЛҒАН ҮКІМЕТ» МЕМЛЕКЕТТІК КОРПОРАЦИЯСЫ ОБЛЫСТЫҚ ФИЛИАЛЫНЫҢ ДИРЕКТОРЫ: Ғасырдан келе атқан ата-бабамыздың ұлт-салт-дәстүрі болды Қасым ханның «Қасқа жолы», Есім ханның «Ескі жолы» деп. Одан кейін Тәуке хан кезінде 3 би қосылып Төле би, Әйтеке би, Қазыбек би – «Жеті жарғы» деген заңымыз болды біздің салт-дәстүрі бойынша. Осыны қолдап келген. Совет Үкіметінде Конституция болды. Және міне 95-ші жылы 30 тамыз күні біздің қазіргі Конституциямыз қолданысқа еңгізілді. Бұл ата-бабадан келе жатқан салт-дәстүрімен қоса, осы біздің Тәуелсіздігімізді нығайтып, Тәуелсіздігіміздің тірегі болып, Ата Заңымыздың мерекесі.
РКС: Шараға «Азаматтарға арналған үкімет» мемлекеттік корпорациясымен бірге Ақмола облыстық тарихи-өлкетану музейі де атсалысты. Құжат алған жасөспірімдерге естелік сыйлықтар табысталды.
СНХ: ГҮЛДЕН АҚҚОШҚАРОВА, ОБЛЫСТЫҚ ТАРИХИ-ӨЛКЕТАНУ МУЗЕЙІНІҢ БӨЛІМ МЕҢГЕРУШІСІ: Бұл іс-шарада жасөспірімдерге куәліктерін алып жатқан өспірімдерге куәлік табыстау рәсімі өткізіледі және музей атынан естелік шағын сыйлықтар беріледі. Жалпы бүгінгі шараның мақсаты – ол Отандастарымызбек, жасөспімідерімізбен бірге Отанымыздың алдындағы ортақ мақсатымызды, еліміздің бірлігімізді ңығайту болып табылады.
РКС: Мұндай акциялар еліміздің түкпір-түкпірінде өткізіліп жатыр. Олар жастарға азаматтық-патриоттық тәрбие берудің жарқын үлгісіне айналуда. Естеріңізге сала кетейік, 16 жасқа толған жасөспірім жеке куәлікті ата-анасының немесе заңды өкілінің қатысуымен кез келген халыққа қызмет көрсету орталығынан ала алады. Ол үшін туу туралы куәлігі мен ата-анасының жеке басын куәландыратын құжаты қажет.
НҰРСӘУЛЕ МҰРАТ, ЭЛЬМИРА ОСПАНОВА, САБЫРБЕК ШЕРИЯЗДАНОВ, ДАМИР САДЫКОВ, КӨКШЕ АҚПАРАТ