ДИКТОР: Көкшетаудағы бірқатар балабақшалардың қызметкерлері дабыл қағуда. Өңірлік кәсіпкерлер палатасына жолданған ұжымдық үндеуге мектепке дейінгі білім беру саласының 180 қызметкері қол қойды. Олардың өтініші - жалақы мөлшерін ұлғайту. 2019 жылы өңірдің 8 ұйымы мемлекеттік-жеке меншік әріптестік шеңберінде ұзақ мерзімді келісімшарттар жасасқан. Алайда, бүгінде қызметкерлердің еңбек ақысын төмен болып тұр.
ЛЮФТ:
РКС: Аталған мәселе Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің кезекті отырысында қаралды. Кезінде аймақтағы балабақшалардағы орын тапшылығы жеке бизнестің белсенді қатысуының арқасында шешілген. Бүгінде қалада мемлекеттік жекеменшік әріптестік шеңберінде мектепке дейінгі тәрбиеге мемлекеттік тапсырысты қаржыландырудың бекітілген мөлшері айына 56 300 теңгені, ал ауылдық жерлерде бір балаға 62 600 теңге.
СНХ: ГҮЛДЕН САХАЕВА, "АТАМЕКЕН" ӨҢІРЛІК КӘСІПКЕРЛЕР ПАЛАТАСЫНЫҢ БӨЛІМ БАСШЫСЫ: Бүгінгі таңда қолданыстағы қаржыландыру жүйесі мемлекеттік жеке-меншік әріптестікке берілген мектепке дейінгі ұйымдардың толық жұмыс істеуіне, өзінің әлеуметтік миссиясын орындауына және тиісінше өз тәрбиеленушілерінің сапалы білім алуға, дамуға, қауіпсіз жағдайларға және дұрыс тамақтануын қамтамасыз етуге мүмкіндік бермейді. жоғарыда белгіленген есеп, білім басқармасының 2025-ші жылға арналған мемлекеттік тапсырысын жан басына шаққандағы қаржыландыру сомасы аз деп есептейміз. Салдарынан жеке мектепке дейінгі ұйымдарды мамандарға лайықты жалақы төлей алмай отыр. Бұл кадрлардың кетуіне және мектепке дейінгі мекемелердегі балалардың дайындық деңгейінің төмендеуіне әкеледі.
РКС: Жұмысшылардың айтуынша олар қыин жағдайға тап болған. Мемлекеттік тапсырыс сомасы есептелетін жан басына шаққандағы қаржыландыру әдістемесінде педагогикалық шеберлігі мен сабақтан тыс іс-шараларды өткізгені үшін қосымша төлемдер ескерілмеген. Оған азаматтық қызметшілердің жекелеген санаттарына жалақыны көтеру де, педагогтардың біліктілігін арттыруға немесе ғимараттарды күрделі жөндеуге арналған шығындар да кірмейді.
СНХ: РАСУЛ СЫЗДЫҚОВ, "АТАМЕКЕН" ӨҢІРЛІК КӘСІПКЕРЛЕР ПАЛАТАСЫ ДИРЕКТОРЫНЫҢ ОРЫНБАСАРЫ: Палата сарапшылары барлық материалдарды егжей-тегжейлі зерттеді. Оқу-ағарту министрлігі жергілікті атқарушы орган өзінің өңірлік деңгейінде бұл мәселені жан басына шаққандағы жалақыны арттыру арқылы шеше алатынын алған тартып отыр. Мемлекеттік және жекеменшік балабақшалар арасында теңсіздік бар. Мемлекеттік- жеке меншік әріптестік аясында біз кейбір аймақтарды талдадық. Мысалы, Солтүстік Қазақстан облысында өткен жылы мәселелер онтайлы шешілген. Өңірімізде де бұл мәселе шешімін табады деп сенеміз.
РКС: Отырысқа қатысушылар мәселені жергілікті деңгейде шешу қажет екенін атап өтті. Жауапты ведомстволарға қажетті есептеулер жүргізу тапсырылды. Депутаттар мектепке дейінгі білім беру қызметкерлерінің өтінішін қолдауға дайын екендіктерін жеткізді.
БЕЙБАРЫС ШАЛАБАЕВ, ЭЛЬМИРА ОСПАНОВА, ЖҮРСІНӨМІРЗАҚ, АРДАҚ ТІЛЕУҚАБЫЛОВ, КӨКШЕ АҚПАРАТ