ДИКТОР: 1-ші сыныпқа құжаттарды қабылдау басталды. Балалар ата-аналарының өтініші негізінде 6 жастан бастап мектепке қабылданады. Жалпы 2025-2026 оқу жылында 13 мыңға жуық бала бірінші сыныпқа қабылданады деп жоспарлануда.
РКС: Барлық балалар дайындық деңгейіне қарамастан, тең мүмкіндіктерге ие болады. Құжаттарды egov.kz электрондық үкімет порталы, жергілікті атқарушы органдардың ақпараттық жүйелері, сондай-ақ қағаз түрінде де тапсыруға болады. Құжаттар тамыздың 31-не дейін қабылданады.
СНХ: АНДРЕЙ МАЙБАХ, ОБЛЫСТЫҚ БІЛІМ БАСҚАРМАСЫНЫҢ БАС МАМАНЫ: Қажетті құжаттар тізіміне - ата-аналардың немесе басқа да заңды өкілдерінің өтініші, 065-у нысанындағы денсаулық жағдайы туралы анықтама , баланың денсаулық паспорты; 3х4 көлеміндегі екі фотосуреті қажет.
РКС: Ал шетел азаматтары үшін Қазақстанда тұрақты тұру құқығын растайтын құжаттарды, сондай-ақ тұрғылықты жері бойынша тіркеу құжаттарын ұсыну қажет. Айта кетейік, қазіргі уақытта облыста 536 мектеп бар, оның 6 – сы жекеменшік мектеп бар.
ЖАНАР МҰҚЫШЕВА, ЖҮРСІН ӨМІРЗАҚ, КӨКШЕ АҚПАРАТ