ДИКТОР: Облыста 1 наурыздан бастап, көктемгі әскерге шақыру науқаны жүріп жатыр. Биыл өңірден 18–27 жас аралығындағы екі мыңға жуық бозбаланы Отан алдындағы борышын өтеуге аттандыру жоспарлаунда.
РКС: Ақмола облысында Ұлттық Ұланға, шекарадағы әскери қызметке азаматтарды аттандыру жүріп жатыр. Өңірден 1000 аса азамат әскерге шақырылмақ. Қазіргі таңда әскери сала цифрлық жүйеге көшкендіктен, бұрынғыдай 17 жасқа толған азаматтың үйіне әскерге шақырту қағазы жіберілмейді. Барлығы азаматтарға арналған электрондық үкімет порталы, яғни есепке алу СМС-хабарламалар арқылы жүзеге асырылады. Әскери тәртіпке сәйкес, шақырту алған әрбір азамат тұрғылықты жері бойынша әскери басқару органдарына барып, медициналық және психологиялық тексеруден өтуге міндетті.
СНХ: ҚАНАТ ОМАРОВ, ОБЛЫСТЫҚ ҚОРҒАНЫС ІСТЕРІ ЖӨНІНДЕГІ ДЕПАРТАМЕНТІ БАСТЫҒЫНЫҢ ОРЫНБАСАРЫ: Тағы да енгізілген өзгерістердің бірі – әскерге аттанған азаматтың кредитіне 13-айға дейін төлем мерзімін шегеру енгізілді. Сонымен қатар, әскерде қызмет атқарып жүрген жастар, өз тәжірбиесін және дене шынықтыруын, өз бөлімінде өздерін жақсы қырынан көрсетіп, жақсы бағамен шығып жатса, борышын өтеп болғаннан кейін кез келген жоғары оқу орнына емтихансыз, ҰБТ-сыз, өзінің сертификатын көрсетсе, қалаған жоғары оқу орнының студенті болуға құқығы бар.
РКС: Сонымен қатар әскери медициналық комиссия дәрігерлері арнайы медициналық базаның көмегіне жүгіне отыра, азамат қандай ауруға шалдыққаны және қандай ем қабылдағаны туралы ақпаратты көре алады. Бүгінде комиссия дәрігерлері Damumed жүйесімен жұмыс істейді. Бұған дейін әскерге шақырылушы амбулаториялық картамен келсе, қазір электронды жүйе арқылы әскерге шақырылушының электронды денсаулық паспорты тексеріледі. Себебі, әскери парызын өтеу мақсатында ауру-сырқатын жасыратын жағдайлар жиі кездеседі екен.
СНХ: МАКШАРИП МАРТАЗАНОВ, ОБЛЫСТЫҚ ӘСКЕРИ-МЕДИЦИНАЛЫҚ КОМИССИЯНЫҢ ТӨРАҒАСЫ: Дегенмен, әскери қызметке жіберілмейтін бірқатар аурулар мен шектеулер бар. Сондықтан біз әскерге шақырулшылардың денсаулық жағдайын дерекқорда тексеруіміз керек. Әрине, кей азаматтар амбулаториялық карталарымен де келеді, бірақ соған қарамастан, медицина қызметкерлерінен объективті қорытынды жасау үшін біз бұл жүйені қолданамыз. Оның үстіне, жігіттердің қандай шекараға жіберілуіне байланысты, мүмкін Президенттік гвардия қызметіне барғысы келсе, талаптары өзгереді. Яғни, белгілі бір іріктеу процесі бар және денсаулық жағдайына ешқандай шектеулер болмауы керек. Одан кейін қайтадан қалпына келтіруге болатын бірқатар аурулар бар, уақытша кейінге қалдыру қарастырылған кейбір шамалы ауытқулар да бар, олар цифрлық жүйелер арқылы жазылады.
СНХ: АРАЙБЕК ХАБАСИЯ, ӘСКЕРГЕ ШАҚЫРЫЛУШЫ: Бүгінгі күні ҚР Президентінің жарлығы бойынша, ескерге шақырту алып, облыстық әскери медициналық комиссия өтіп жатырмын. Өзім Зеренді районынан келдім. Әскери борышымды өтеуге дайынмын. Және қазіргі таңда басқа жігіттерге де азаматтық борышын өтеуге кеңес беремін.
РКС: Өткен жылы облыс бойынша әскери есепке 5000-нан астам жас тіркеліп, оның 1722-сінің мерзімі кейінге қалдырылды, ал 1132 ақмолалық әскери міндеттен босатылды. Бүгінде облыстық қорғаныс істері жөніндегі департаментінің жинау пунктінде әскерге шақырылушылардың алғашқы легі бөлімдерге жөнелтіліп жатыр. Айта кетейік, көктемгі шақыру науқаны маусым айының соңына дейін жалғаспақ.
ТОҒЖАН БАЙМЕНОВА, ВАСИЛИЙ ВЕРЕЖНИКОВ, КӨКШЕ АҚПАРАТ