ДИКТОР: Қоғамда көктемде психикалық аурулар өршуі мүмкін деген пікір бар. Жүйке жүйесі сыр берген жандардың оғаш қылықтары жарияланған роликтер ғаламтор желісін шарлап жүр. Жұртшылық шынымен оған табиғаттың түрленуі әсер ете ме деген дүдәмал ойда болатыны жасырын емес.
РСК: Көктем мезгілі адам ағзасындағы өзгерістерге себеп болады. Күн ұзарып, биоритмдер соған бейімделеді. гормоналды фон да өзгереді. Десе де, мамандар тарапынан нақты жауап жоқ. Адамның жүйке жүйесіндегі ауытқуларына маусымның әсерін растайтын ғылыми дәлелі жоқ.
СНХ: АЛЕКСАНДР ВЫСОЦКИЙ, ОБЛЫСТЫҚ ПСИХИКАЛЫҚ ДЕНСАУЛЫҚ ОРТАЛЫҒЫНЫҢ ДИРЕКТОРЫ: Біз арнайы талдау жүргіздік. Соңғы 10 жылдағы динамиканы бақыладық. Бұл өте қызық сұрақ, өйткені психикалық бұзылулар көктемгі-күзгі асқынуымен сипатталады деген пікір бар. Бірақ статистика мен деректер амбулаториялық қабылдауларда мұндай маусымдық ауытқулар жоқ екенін көрсетті. Ауруханада да мұндай динамика жоқ. Ауытқудың табиғи көрсеткіші 1-2 процент қана.
РКС: Адамдардың көбі психиатриялық көмекке жүгінуден бас тартады, өйткені есепке алу олардың қалыпты өмір сүруіне кедергі келтіреді деп қорқады. Психиатриялық есеп үкім емес, пациенттерді бақылау және қолдау жүйесі.
СНХ: НАТАЛЬЯ ВОРОНОВСКАЯ, ДӘРІГЕР-ПСИХИАТР: Есепке алу үшін психиатрға жүгіну пациент пен оның туыстары үшін өте қиын. Шешім қабылдауға келгенде көп ойланады. Болашағымызға кедергі келеді деп алаңдайды. Адамдар бізге өз еркімен келеді. Пациент ересек адам болса, бізге өзінің жеке басын куәландыратын құжаты ғана керек. Өз еркімен келгені туралы келісімін беріп, психиатрмен тексеруге және емделуге келісетіндігін жазбаша түрде білдіреді.
РКС: Сарапшылар психикалық бұзылулар гипертония немесе қант диабеті сияқты сырқат екенін айтады. Емдеуді және бақылауды талап етеді. Заманауи медицина адамдардың толыққанды өмір сүруіне жәрдемдесіп, жағдайды түзетуге мүмкіндік береді.
ЕВГЕНИЙ ВАРАНКИН, ЭДУАРД ПОГРЕБИЦКИЙ, ЖҮРСИН ӨМІРЗАҚ, КӨКШЕ АҚПАРАТ