ДИКТОР: Вице-премьер жұмыс сапарымен Ақмола облысына келді. Қанат Бозымбаев пен аймақ басшысы Марат Ахметжанов Астрахан және Атбасар аудандарының су тасқынына дайындығын тексерді. Елді мекендер зерттеліп, қорғаныс гидротехникалық құрылыстар тексерілді.

РЗК: Астрахан ауданында 12 елді мекенде бөгеттер мен жол жиектері нығайтылды. Каналдар тазартылып, тереңдетілді. Төтенше жағдай орын ала қалған жағдайда 175 адам, 130-дан астам техника, 25 мотопомпа дайын тұр. Ескі Қалқұтан ауылында өзен деңгейінің көтерілуінен жыл сайын шамамен 52 үй су басу аймағына кіреді. «Демеу Қазақстан» қоры қаржысының аясында Қалқұтан өзенінің ұзындығы 3,6 шақырым болатын арнасын тазарту және тереңдету жұмыстары жүргізілуде. Қанат Бозымбаев ауылдық елді мекен маңындағы өзен арнасын тазарту және тереңдету жұмыстарын жеделдетуді тапсырды. Сонымен қатар, "Қазақстан Темір жолы" акционерлік қоғамына теміржол көпірінің асты арқылы өтетін өзен арнасын тез арада тазартып, тереңдету міндеті де қойылды.

ИНТЕРШУМ:

РКС: Атбасар ауданында су тасқыны болуы ықтимал кезеңде 16 елді мекен мен Атбасар қаласына қауіп төнеді. Қазір ауданда су тасқынына қарсы іс-шаралар жүргізілуде. 295 метр жағалау тұрғызылды. 12 су бұру құрылысы салынды. 40 құбыр тазартылды. Төтенше жағдай қызметінің жеке құрамынан 396 адам жасақталып, 138 техника, 16 мотопомпа дайындалды. 30 мың тұрғыны бар Атбасар қаласында жыл сайын Жабай өзенінің деңгейі көтеріледі. 128 тұрғын үй су басу қаупі ықтимал аймақта тұр. Төтенше жағдайдың алдын алу мақсатында Жабай өзенін тазарту, қорғаныш жағалауын нығайту, сайды кеңейту, тереңдету, айналма арнаны дайындау жұмыстары жүргізілуде.

ИНТЕРШУМ: Здесь канал сделали. А здесь что происходит? Как проходит? Что это здесь?

– Здесь у нас арыки, каналы,

– Прочищаете?

– Да, прочищаем. Вот о чем я и докладывал.

– Этот участок подтапливало вообще когда-нибудь?

– Подтапливает в основном здесь в низу – в сторону за Байкалом.

– Здесь не подтапливает?

– Здесь не подтапливает

РКС: Атбасар қаласы аумағындағы Жабай өзенінде су ағатын құбырдың құрылысы аяқталды. Тағы екі құбырдың құрылысы бітуге жақын. Вице-премьер Қанат Бозымбаев жұмысты 10 күн ішінде аяқтауды тапсырды. Жабай өзенінің арнасын тазарту жұмыстарына 36 техника жұмылдырылған. Айта кету керек, биыл Ақмола облысында 30 жылда алғаш рет Қалқұтан, Жабай және Шағалалы өзендерін тазарту және тереңдету жұмыстары жүргізілуде.

МАҚПАЛ АЙБАБИНА, АРАЙЛЫМ ШЫТЫРЫМБЕК, ЖҮРСІН ӨМІРЗАҚ, КӨКШЕ АҚПАРАТ.