Өңірде этносаралық қатынастар нығайта түседі

ДИКТОР: Ақмола облысында 700 мыңнан астам адам тұрады, оның ішінде 100-ден астам этнос пен этникалық топтың өкілі бар. Өңірде 48 этномәдени бірлестік тіркелген. Этнос өкілдері облыстың қоғамдық-саяси, әлеуметтік-экономикалық және мәдени даму процесіне белсене қатысады.

РКС: Көкшетауда студенттік Ассамблея өкілдері Қазақстан халқы Ақмола Ассамблеясы этномәдени бірлестіктерімен кездесті. Шара барысында студенттер бірлестіктерінің маңыздылығы және атқарылатын жұмысымен танысты.

СНХ: ДМИТРИЙ ПЕТРОВ, Ш.УӘЛИХАНОВ АТЫНДАҒЫ КӨКШЕТАУ УНИВЕРСИТЕТІ ЖАНЫНДАҒЫ ҚАЗАҚСТАН ХАЛҚЫ СТУДЕНТТЕР АССАМБЛЕЯСЫНЫҢ ТӨРАҒАСЫ: Өткен жылдың соңында құрылған біздің ұйымның мақсаты аймақтағы этносаралық қатынастарды нығайту. Студенттердің этносаралық қатынастарға қатысты ақпарат алмасатын ортаны құру. Сондай-ақ, шығармашылық әлеуетті дамыту. Біз Достық үйімен, Қазақстан халқы Ассамблеясымен ынтымақтастықта жұмыс істейміз. Студенттік Ассамблеямызда 55 мүше, онда 30-дан астам этнос бар.

РКС: Ассамблеяның маңыздылығы, атқарылып жатқан жұмыстар туралы ақпарат жеткізіп, осы жұмысқа тарту аясында студенттермен кездесулер мен дөңгелек үстелдер жиі ұйымдастырылады. Бүгінгі шараға 40-қа жуық студент қатысты. Ассамблеяның 30 жылдығы аясында этномәдени бірлестіктердің қатысуымен 300-ге жуық іс-шара ұйымдастыру көзделген. Сәуір айында республикалық конференция өтеді. Студенттік Ассамблеяның өкілдері этномәдени бірлестіктердің өкілдерімен кездесулер, конкурстар, шеберлік сағаттары, дөңгелек үстелдер де өткізілмек.

ЕВГЕНИЙ ВАРАНКИН, ПАВЕЛ СОЛОВЬЕВ, АЛМАС СӘДУАҚАСОВ, КӨКШЕ АҚПАРАТ.