ДИКТОР: Щучинск қаласындағы қысқы спорт түрлері бойынша олимпиадалық даярлау орталығында шаңғыдан ерлер және әйелдер арасында Қазақстан Республикасы мен Шығыс Еуропаның кубогы сарапқа салынды.
СТЕНДАП: ҚАЛЫМБЕК МҰХАМЕДЖАНОВ, ЖҮРГІЗУШІ: Кубок ең мықтылардың бағын сынап, Азия ойындарына жолдама береді.
РКС: Жарыстың соңғы күні ауа-райы да шаңғышылар үшін өте қолайлы болды. Әйелдер және ерлер бәсекенің соңғы күні 10 шақырымдық қашықтықта сынға түсті. Олардың бәріде өз аймақтарының намысын бермеу жолында барын салды.
СНХ: АЛЕКСАНДР БАТЯЙКИН, ШАҢҒЫДАН ҚАЗАҚСТАН ҚҰРАМАСЫНЫҢ БАС БАПКЕРІ: Шаңғы жолдары әлемдік стандартқа сай Қазақстан намысын қорғаудан үміткер әр шаңғышы 2-3 кезең оқу-жаттығу жиындарынан өтті. Әрине, олардың ең жүйріктері Азия ойындарына барады. Сондықтан бәсеке өте жоғары деңгейде. Шаңғышылардың жеңіске деген жігері қуантады.
РКС: Ақмола облысының намысын кілең мықтылар қорғады. Олардың бәрі де шаңғы жолында желмен жарыса жүйткіді.
СНХ: ОЛЕГ КОЛОМЕЕЦ, ШАҢҒЫДАН АҚМОЛА ОБЛЫСЫНЫҢ БАС БАПКЕРІ: Кубок басталған күннен Ақмолалық шаңғышылар жақсы өнер көрсетті. Олар өздерінің мықты дайындығын тағы да дәлелдеді. Осы орайда облыс құрамасын материалдық-моральдық жағынан қолдаған Аян Шөкенов басқаратын жоғарғы спорттық-шеберлік мектебінің ұжымына алғысым шексіз. Олар бірнеше күн бойы біздің жанымызда болды.
РКС: Спортта өз қабырғаңда көмектеседі дейтін тамаша қағида бар. Жерлестеріміз Бурабай баурайында өткен бәсекеде жасындай жарқырады. Олар шаңғы тебудің классикалық түрін көрсете білді. Әйелдер арасындағы 10 шақырымдық қашықтықта біздің аруымыз Надежда Степашкина алдына жан салмады. Ерлер арасында Олжас Климин екінші орын еншіледі.
СНХ: НАДЕЖДА СТЕПАШКИНА, ҚР КУБОГЫНЫҢ ЖЕҢІМПАЗЫ: Осынау бәсекеге тыңғылықты дайындалдық. Бапкерлер құрама команданы біріктіре білді. Әрине қарсыластар мықты болды. Ауа райы да үздік нәтиже көрсетуге мүмкіндік берді. Сөйтіп менде, Азия ойындарына жолдама алдым. Мақсатым-жеңіске жету.
СНХ: ОЛЖАС КЛИМИН, ҚР КУБОГЫНЫҢ КҮМІС ЖҮЛДЕГЕРІ: Қарсыластардың бәрі Азия ойындарына барудан үмітті еді. Солардың қатарында шаңғы жолына шықтым. Алтын алуға азғана секундтар жетпеді. Десе де бапкерлер маған сенім артып отыр. Соны орындап шықсам деймін.
РКС: Қытайда шаңғыдан өтетін Азия ойындарына Ақмола облысынан 4 спортшы қатысады. Олар Алматыда шешуші жаттығулар өткізіп, елге жеңіспен оралуды армандайды.
ҚАЛЫМБЕК МҰХАМЕДЖАНОВ, ЖҮРСІН ӨМІРЗАҚ, КӨКШЕ АҚПАРАТ.