ДИКТОР: 50 жылдық тарихы бар Сандықтау ауданындағы Каменка орта мектебіне қомақты қаржыға күрделі жөндеу жұмыстары жүргізілді. Сөйтіп, ұстаздар, ата-аналар, оқушылар қуанышқа кенелді.
РКС: Мемлекеттен бөлінген қаржыны тиімді пайдалана білген мердігерлер Каменка орта мектебін заманауи талаптарға сай күрделі жөндеуден өткізіп берді. Қаладағы білім ошақтарынан кем емес. Кірген беттен-ақ әдемі көрініске тап боласыз.
СНХ:ЮЛИЯ РАДЕЦКАЯ, КАМЕНКА ОРТА МЕКТЕБІНІҢ ДИРЕКТОРЫ: Мектебімізге былтыр 383 млн 618 мың теңгеге күрделі жөндеу жүргізілді. Ескірген электр желілері, су жүйелері, есік-терезелер, жылу құбырлары толығымен жаңартылды. Бір сөзбен айтқанда, мектебіміз адам танымастай өзгерді. Сыныптар мен арнайы кабинеттер заманауи оқу-құрал жабдықтармен жарақтандырылды. Бізге ұстаздарға оқушыларға тек қана сапалы білім беру міндеті тұр. Оны бұлжытпай орындаймыз!
РКС:Қайта жаңартылған мектептің әр сыныбы көркем безендірілген. Бірден көз тартады. Кең де жарық асханада Каменка ауылының 126 оқушысы тегін ыстық тамақпен қамтамасыз етілген. Спорт залы бір сәтке де жаттығудан босамайды. Үзіліс кезінде дәлізде де бой сергітіп алуға мүмкіндік бар.
STAND-UP: ҚАЛЫМБЕК МҰХАМЕДЖАНОВ, ТІЛШІ: Дәлізге қойылған шахмат тақталары, теннис үстелі бір сәтке де босамайды.
РКС: Мектеп музейінің ашылғанына бірнеше жылдар болды. Бүгіндері мұнда 2 мыңнан астам жәдігер бар. Сабақтан тыс пәндер осы жерде өтеді.
СНХ: КАИНА МИХАЙЛЮК, ОҚУШЫ: Мен жетекшілік ететін туған өлке бөлімінде аға-буын өкілдерінің өмір-жолына арналған жәдігерлер өте көп.
РКС: Сапалы білім, саналы тәрбиенің ошағына айналған Каменка орта мектебінің оқушылары облыс, республика көлемінде өтетін пән олимпиадаларында да озық келеді.
ҚАЛЫМБЕК МҰХАМЕДЖАНОВ, САБЫРБЕК ШЕРИЯЗДАНОВ, КӨКШЕ АҚПАРАТ