ДИКТОР:Көкшетауда жолдарды қар мен мұздан тазарту жұмыстары қыза түскен. Көше жолдарын қардан тазарту және көктайғақты болдырмау мақсатында 30-дан астам арнайы техника жұмылдырылған. Қазіргі уақытта қала сыртына 34 мың текше метрге жуық қар шығарылды.
РКС: Соңғы күндері қолайсыз ауа райының салдарынан Көкше-тазалық« серіктестігі коммуналдық шаруашылық қызметінің жұмысы да қыза түскен. Тазалық шараларына 60-тан астам жұмысшы жұмылдырылған. Олар 6 бригадаға бөлініп, көшенің мұзын ойып, қарды тазалауда. Жиналған үйінділерді автогрейдер тізгіндеген жүргізушілер ауыр жүк көліктеріне тиеп, қала сыртына шығаруда. Техника жеткілікті.
СНХ:ВЛАДИМИР КОРНАТОВСКИЙ, «КӨКШЕ-ТАЗАЛЫҚ» СЕРІКТЕСТІГІНІҢ ИНЖЕНЕРІ: Қала сыртына 33 мың текше метрден астам қар шығарылды. Көшелерге 300 текше метрге жуық инертті материал төселді. Көктайғақ бола қалған жағдайда оның салдарын жою үшін жоғары сапалы материалдар қолданылады. Дәл қазіргі жағдайда жұмыс істеу тіпті қиын.
РКС: Серіктестік жұмысшылары қала тұрғындарын, әсіресе көлік жүргізушілерін осы күндері сабырлылыққа шақырады. Өйткені, қарды тиеу кезінде жүргізушілер тарапынан кедергі көп,-дейді олар. Қаланың тазалығы мен қауіпсіздігі ең алдымен тұрғындар үшін жасалады.
СНХ:АХМЕТУӘЛІ СЕЙТЖАНОВ, ҚАЛА ТҰРҒЫНЫ: Мен Теміртау қаласынан келген едім. Мына жақсылықтарын көріп, көше тазалап жатқандарына өте қуаныштымын. Көп рахмет айтамын жұмыстарыңызға.
РКС:Коммуналдық қызметке жауапты сала жұмысшылары көктайғаққа қарсы жұмыстарды жедел және сапалы жүргізу кезінде жүргізушілер көліктерін жол жиегіне қоймауларын сұрайды.
ЖАНАР МҰҚЫШЕВА, БАУЫРЖАН СМАҒҰЛОВ, КӨКШЕ АҚПАРАТ