ДИКТОР: Мектеп оқушылары кешеден бастап 10 күндік қысқы демалысқа шықты. Балалардың бос уақытын ұтымды әрі қызықты ұйымдастыру үшін облыстық білім басқармасы 6 бағыт бойынша «Қазақстан балалары-қысқы ертегі» атты шаралар жоспарын әзірледі.

РКС: Каникул кезінде балалардың қауіпсіздігіне баса назар аударылады. Әсіресе мереке күндері пиротехникалық заттардан аулақ болу қажет. Сонымен қатар қыс мезгілінде мұз айдындары мен өрт қауіпсіздігі ережелерін қатаң сақтау да маңызды. Облыста оқушылардың қысқы демалыс уақытын тиімді әрі қызықты ұйымдастыру үшін 47 қосымша білім беру ұйымы қамтылып отыр.

СНХ:МАРИНА ЛИ, ОБЛЫСТЫҚ БІЛІМ БАСҚАРМАСЫНЫҢ БАС МАМАНЫ: Бұл жерде балалар түрлі үйірмелер мен секцияларға қатыса алады. Демалыс кезінде балаларға мұражайларда түрлі шара ұйымдастырылады. Театрда балғындарға қойылымдар мен ертеңгіліктер ұсынылады. Астанадағы мәдени-тарихи орындарды таныстыру мақсатында саяхаттар да ұйымдастырылмақ. Қаңтардың 3-і мен 8-і аралығында Сандықтау ауданындағы облыстық "Жас Дәурен" жыл бойы балалар сауықтыру орталығының базасында 6-10 сынып оқушылары арасында «Жас ұрпақ» қозғалысының 40 көшбасшысы үшін сауықтыру ауысымы өтеді.

РКС: Оқушылар үшін өңірдің барлық білім ошағында «Қысқы қиял», «Қысқы вернисаж», «Қысқы арт-челленджі», «Ертегіде қонақта» атты квест ойындар, түрлі зияткерлік сайыстар өткізіледі. Болашақ сарайы да қысқы демалысқа арналған бағдарлама ұсынып отыр. Бұл жоспар 24-ші желтоқсаннан бастап жүзеге асырылып жатыр.

СНХ:МҮГҮЛСІМ ТЫШҚАНБАЕВА, BOLASHAQ SARAIY БАСШЫСЫНЫҢ ТӘРБИЕ ЖӨНІНДЕГІ ОРЫНБАСАРЫ: Біз қаладан ғана емес, облыстарда, көрші облыстың балалары келіп жатады бізге.Болашақ сарайы 5 бағыт бойынша жұмыс жасайды. Қазіргі уақытта Болашақ сарайында 97 үйірме бар. Соның ішінде 2,5 мыңнан астам бала тәрбиеленеді. Жоспар бойынша тоғызқұмалақ бойынша қалалық чемпионат өтеді. Сосын келесі іс-шарамыз шырша жанында демалыс болады. Және жарыстарда, чемпионаттар,байқауларға балалар жұмысын жасайды. Үлкен жобамыз бар Жас Скилс соған дайындық болады. Ол Ворд скилстың прототипі.

РКС:Демалыс кезінде өтетін шаралар туралы мәлімет әр мектептің ақпараттық стендтері мен ұйымның интернет сайттарында жарияланған. Жалпы балалардың қысқы демалысында қосымша білім беру ұйымдары 21 мыңнан аса баланы қамтитын түрлі шара ұйымдастыруда.

САБИНА ЖАМШИТОВА, ВАСИЛИЙ ВЕРЕЖНИКОВ, ПАВЕЛ СОЛОВЬЕВ, КӨКШЕ АҚПАРАТ