ДИКТОР: 2024 атаулы дата, мерейтойларға толы жыл болды. Биыл облыстың 8 көркемөнерпаз ұжымына "Халықтық", 8 ұжымға "Үлгілі" атағы берілді. "Көкшетау" Мәдениет Сарайының көркемөнерпаздары, "Көркемтау" домбыра ансамблі, "Көкшетау" халық би ансамблі, "Он алты қыз" халық би ансамблі және "Полянка" үлгілі би ұжымдары халықаралық және республикалық байқауларда 20-ға жуық жүлделі орынға ие болған.
РКС: Биыл Ақмола облысының 700-ге жуық мәдениет қызметкері Дүниежүзілік көшпенділер ойындарына белсене атсалысты. Ақмола облысы этноауылында көшпенділер ойындарына келушілерге облыстық музей көрмелері, Шахмет Құсайынов атындағы қазақ музыкалық-драма театрының көріністері, барлық аудан мен қаланың өнерпаздарының концерттік бағдарламалары, өңірдегі сәндік-қолданбалы қолөнер шеберлерінің туындылары ұсынылды.
СНХ: АЙГҮЛ СӘБИТОВА, АҚМОЛА ОБЛЫСТЫҚ МӘДЕНИЕТ БАСҚАРМАСЫНЫҢ БАСШЫСЫ: Биыл Көкен атамыздың 100 жылдығына орай алғашқы рет Ақпарат министрлігінің қолдауымен ҚР Парламентінің қолдауымен және Ақмола облысының әкімі Марат Мұратұлының қатысуымен үлкен дода өтті. Екі мемлекет айтысты Қырғызстан мен Қазақстан. Бұл жерде жыршы, термеші, күйші, әнші және ақындар сайысты.Үлкен жақсы деңгейде өтті.
РКС: "Жошы Ұлысының 800", Баубек батырдың 200, Біржан салдың 190, Шөкен Шәкеевтің 100, Сәкен Жүнісовтың 90, Рақымжан Қошқарбаев пен Сағадат Нұрмағамбетовтың 100 жылдық мерейтойларына орай көптеген іс-шаралар ұйымдастырылды.
СНХ: АЙГҮЛ СӘБИТОВА, АҚМОЛА ОБЛЫСТЫҚ МӘДЕНИЕТ БАСҚАРМАСЫНЫҢ БАСШЫСЫ: Сағадат Нұрмағанбетовке Ақмола ауылында ескерткіш орнатылды. Қосшы қаласында Рақымжан Қошқарбаевқа бюст аштық. Өздеріңіз білесіздер Сәкен Жүниісовке биыл 90 жыл. Осы үлкен мерекеге орай Ақмола облысының түкпір түкпірінде 500-ден аса жақсы іс-шаралар өткізілді. Ш.Құсайынов атындағы музыкалық-драма театрының ұйымдастыруымен екінші комедиялық "Сәлем" фестивалі өтті. Ол халықаралық деңгейде өтті. Оған Түркиядан Азербайджаннан өнерпаздар келді.
РКС: Ұлттық домбыра күніне 2500-ге жуық домбырашылардың қатысуымен Құрманғазының "Балбырауын", "Сарыарқа", "Адай" күйлері орындалған "Киелі домбыра" облыстық флешмобы өтті. Облыстық мәдениет басқармасының басшылары келер жылға да көптеген мерейтойлы іс-шаралар жоспарланып отырғанын жеткізді.
МАҚПАЛ АЙБАБИНА, ЖҮРСІН ӨМІРЗАҚ, КӨКШЕ АҚПАРАТ