ДИКТОР: Щучинск қаласында Қазақстан Республикасы Қорғаныс министрлігіне қарасты Шоқан Уәлиханов атындағы әскери колледжінде «Айбын» облыстық әскери-патриоттық жастар жиыны өтті. Аталған жарысқа 28 команда жасақталып, оның құрамына енген 300-ге тарта жас өзара бақ сынасты. 4 күн бойы студенттер мен мектеп оқушылары белтемірде тартылу, шалқасынан жатып денесімен көтерілу, АК-74 автоматын жартылай бөлшектеу және құрастыру, пневматикалық винтовкадан ату және басқа да кезеңдерді орындады. «Айбын» облыстық әскери-патриоттық жастар жиынының қорытындысы бойынша Жанайдар Мусин атындағы Көкшетау жоғары қазақ педагогикалық колледжінің командасы үздік нәтиже көрсетіп, гран-при иегері атанды. 200 мың теңгенің сертификатымен марапатталды. Щучинск орман шаруашылығы, экология және туризм жоғары колледжінің командасы 1 орынды иеленді. Екінші орынды Зеренді ауданының командасы жеңіп алды. Көкшетау қаласындағы жоғары техникалық колледжінің командасы үшінші орынға ие болды.