ДИКТОР:Көкшетауда облыс әкімі Марат Ахметжановтың қатысуымен «Жалынды Ақмола жастары» атты облыстық жастар форумы өтті. Жыл сайын өткізілетін шара түрлі саладағы жас мамандар мен беделді конкурстар мен кәсіби чемпионаттардың жеңімпаздарын біріктірді.
РКС: Шара жұмысшы мамандықтар жылы қарсаңында «Адал азамат. Адал еңбек. Адал табыс» тұжырымдамасын насихаттауға бағытталған. Жиын барысында жастарды шабыттандырып, әр мамандықтың қыр-сырымен бөліскен сала мамандары өздерінің жеткен жетістіктерімен бөлісті.
СНХ: ОЛЬГА ЛОБАНОВА , «ENKI» СЕРІКТЕСТІГІНІҢ ЗЕРТХАНА БАСШЫСЫ: Өз ісіңді, жұмысыңды жақсы көру маңызды. Сонда ғана оны аса құлшыныспен атқарып, еңбегіңнің жемісін көресің. Өз басым, өндірістегі жұмыстың маңыздылығын енді түсіндім. Мұндағы менің жетістіктерім- тынымсыз еңбегімнің нәтижесі. Сондықтан, жастарға айтарым, өндірісті таңдаудан қорықпаңыз. Әр мамандықтың қиындығы мен қызығы мол.
РКС: Сондай-ақ, шара барысында жыл бойы еңбегімен ерекшеленіп, үздік нәтиже көрсеткен жастар мараптталды. Олардың арасында халықаралық, республикалық және облыстық байқаулардың жеңімпаздары бар.
ИНТЕРШУМ:
СНХ:ЕРСҰЛТАН БӨКЕН, «ТӘУЕЛСІЗДІК ҰРПАҚТАРЫ» ГРАНТЫНЫҢ ИЕГЕРІ: Осы жобада мен өз қазақ тілімді дамытатын бағдарламаммен қатысқан едім. Бұл бағдарламада кісі жасанды интеллект арқылы қазақ тілін үйренеді. Менің мақсатым – қазақ тілін дамыту. Осы мақсатым орындау үшін мен қазақ тілін үйрететін қосымшасын жасап шықтым. Ана тілімізді бірге дамытайық!
РКС: Ақшалай сертификаттар және бағалы сыйлықтар «Jas Aqmola» облыстық жастар сыйлығының иегерлері, «Aqmola Power» инновациялық жобасының жеңімпаздары, «WorldSkills 2024» чемпионатының, сондай-ақ 3-ші Халықаралық Дельфий ойындарының жүлдегерлеріне табысталды. Салтанатты шара концерттік бағдарламаға ұласты.
ИНТЕРШУМ:
ЖАНАР МҰҚЫШЕВА, АРАЙЛЫМ ШЫТЫРЫМБЕК, ПАВЕЛ СОЛОВЬЕВ, КӨКШЕ АҚПАРАТ