ДИКТОР: Ақмола облысының диқандары 2025 жылдың егіс науқанына дайындалып жатыр. Облыста «Кең дала-2» бағдарламасы бойынша жеңілдетілген несие алуға алғашқы өтінімдер мақұлданды. Ауыл шаруашылығы тауарын өндірушілер көктемгі дала және егін жинау жұмыстарына арналған қаражатпен қамтамасыз етіледі. Елімізде шаруаларды қаржыландыруға барлығы 700 миллиард теңгеге жуық қаражат бөлінеді.
РКС: «Кең дала-2» жобасы бойынша несиелер жылдық 5 процентпен беріледі. Бағдарламаның ерекшелігі – «Даму» кәсіпкерлікті дамыту қорының қатысуы ұйымдастырылады. Мекеме кепіл сомасының 85 процентіне дейін қаражат бере алады.
СНХ: ӘНУАР КАЙЫРБЕКОВ, "АГРАРЛЫҚ НЕСИЕ КОРПОРАЦИЯСЫ" АҚМОЛА ОБЛЫСТЫҚ ФИЛИАЛЫ ДИРЕКТОРЫНЫҢ ОРЫНБАСАРЫ: Өтінімдерді қабылдау 2024 жылдың 1 қарашасында басталды. Ал Қазақстан Республикасында қаржыландыру 2024 жылдың 29 қарашасында басталды. Ақмола филиалы шамамен 3,9 млрд теңгені игерді. Қарастырылып жатқан өтініштердің жалпы құны қазір 8 миллиард теңгеден асады. Мақұлданған жобалар бар. Қаржыландыру кепілі шарты уәкілетті органда тіркелгеннен кейін немесе «Даму» банкінің кепілдігі берілгеннен кейін жүзеге асырылады.
РКС: Есіл ауданында «Светлана-1» шаруа қожалығы 2004 жылдан бері дәнді дақылдар өсірумен айналысады. 328 гектар алқапқа арпа мен бидай егілді. Биыл шаруалар «Аграрлық несие корпорациясынан» мақсатты қаражат алды. Олар жабдықтың қосалқы бөлшектерін сатып алуға және жалақы төлеуге жұмсалды. Алдағы көктемгі жұмыстарға дайындық қызу жүріп жатыр.
СНХ: АЛЕКСЕЙ ХРИСТЮК, ШАРУА ҚОЖАЛЫҒЫНЫҢ ЖЕТЕКШІСІ: Бұл жанар-жағармай, тұқым сатып алуға және салық берешегін жабуға жұмсалатын мақсатты қаражат. Несиелердің аз ғана проценті көктемгі дала және егін жинау жұмыстарын жүргізуге үлкен септігін тигізеді. Келесі жылы біз дәнді дақылдарды азайтып, зығыр сияқты майлы дақылдарға көшуді жоспарлап отырмыз.
РКС: Ауылшаруашылық тауар өндірушілері «Кең дала-2» бағдарламасына қатысу үшін құжаттарын жинап, өтініштерін толтыруды жалғастыруда. Айта кету керек, көктемгі дала жұмыстары басталмай тұрып қаржыландырылады. Бұл шаруаларға тұқым мен тыңайтқыштарды ертерек сатып алып, техникаларды дайындауға мүмкіндік береді.
МАҚПАЛ АЙБАБИНА, ЭЛЬМИРА ОСПАНОВА, БАУЫРЖАН СМАҒҰЛОВ, АРДАҚ ТІЛЕУҒАБЫЛОВ, КӨКШЕ АҚПАРАТ.