ДИКТОР: 2024 жылдың мәдени шараларды ұйымдастыру қорытындысы бойынша брифинг ұйымдастырылды. 3000-ға жуық мәдени шаралар өткізілді, олардың ішінде ұлттық мерекелер мен еңбегі сіңген тұлғалардың шығармашылығына арналған жиындар жүзеге асты.
РКС: Биыл өңір елге есімдері танымал тұлғаларының мерейтойларымен ерекшеленіп, олардың шығармашылығы мен өмірі кеңінен насихатталды. Атап өтетін болсақ, Арқаның қазақ мәдени өмірінде ойып тұрып орын алатын ақын, ақындық өнердің негізін қалаушы Көкен Шәкеевтің 100 жылдығына арналған халықаралық деңгейдегі айтыс, айтыскер ақын Құдайберлі Мырзабектің 60 жылдығына арналған мерейтойлық концерт ұйымдастырылды.
СНХ: АЙГҮЛ СӘБИТОВА, ОБЛЫСТЫҚ МӘДЕНИЕТ БАСҚАРМАСЫНЫҢ БАСШЫСЫ: Жыл бойы аймақтық және өңірлік деңгейдеұлы тұлғалардың шоқтығы биік туындыларын кейінгі ұрпаққа кеңінен насихаттап, дәріптеу, талантты жастарымызды шеберлігін шыңдауға ықпал ету мақсатында «Арқа әуендері» аймақтық дәстүрлі әншілер байқауы, Сағындырған әндер-ай ретро фестиваль, «Өнерлі шаңырақ», «Көркіңнен айналайын, Көкшетауым!» аймақтық өнер фестивалі және тағы да басқа өнердің дамуына серпін беріп, көмейінен күмбірлі күй төгілген ұлттық аспабымен күй тартылып, ән де, жыр да төгілген түрлі іс-шаралар өткізілді.
РКС: Еліміз үшін 2024 жылдың ең ауқымды оқиғасы V Дүниежүзілік көшпенділер ойынының ашылуы. Этноауыл бірегей концерттік алаңында күн сайын мәдени шаралар өтті. Этноауыл аумағында «Шығыс базары» жәрмеңкесі ұйымдастырылды. Облыстан сәндік-қолданбалы өнерінің үздік 10 шебері қатысты. Бұл шаралар ұлттық құндылықты пен мәдениетімізді насихаттауға бағытталған.
СНХ: АЙГҮЛ СӘБИТОВА, ОБЛЫСТЫҚ МӘДЕНИЕТ БАСҚАРМАСЫНЫҢ БАСШЫСЫ: Ақмола облысының мәдени бағдарламасы ұсынылды. Мәдени бағдарламаға өңіріміздің 500 жас домбырашылары және 200-ге жуық халықаралық және республикалық байқаулардың лауреаттары өнер көрсетті. Мыңдаған көрермендер мен қатысушылар, дүниежүзілік көшпенділер ойындарының жанкүйерлері Ақмола облысының шығармашылық ұжымдарының керемет концерттік бағдарламасының куәсі болды. Сонымен қатар, мәдени бағдарлама Этношанырақ сахнасында республикалық байқауларының жүлдегерлері Ерлан Дәулет және Құрмет Құралхан қатысуымен айтыс және Үкілі Ыбырай атындағы Ақмола облыстық филармониясының «Айнакөл» фольклорлық ансамблінің концерттік бағдарламасы өтті.
РКС: Жыл соңына дейін облыстық мәдениет басқармасының ұйымдастыруымен біршама шаралар жоспарда бар. Солардың бірі күрделі жөндеуден өткен Мағжан Жұмабаев атындағы облыстық әмбебап-ғылыми кітапханасында Сәкен Жүнісовтың 90 жылдығына орай конференция залы мен Төлеген Қажыбай атындағы кабинеттің ашылуы болмақ.
САБИНА ЖАМШИТОВА, ВАСИЛИЙ ВЕРЕЖНИКОВ, КӨКШЕ АҚПАРАТ