ДИКТОР: WORLDSKILLS KAZAKHSTAN-2024 жұмысшы мамандықтары ұлттық чемпионатының жеңімпаздарымен брифинг өтті. Өңірлік команда IX чемпионатында 2 алтын, 1 күміс, 4 қола медаль жеңіп алды.
РКС: WorldSkills Kazakhstan-2024 сайысы қараша айының 14-і мен 16-сы аралығында Астана қаласында өтті. Республиканың әр өңірінен жиналған қатысушылар өз дағдылары мен білімдерін 30 құзыреттілік бойынша көрсетті. Облыс намысын қорғағандардың бірі - Әділет Қожахмет. Көкшетау жоғары техникалық колледжінің студенті «Мобильді робототехниканы» тақырыбы бойынша жоба дайындап, 1 орынды еншіледі.
СНХ: ӘДІЛЕТ ҚОЖАХМЕТ, ЖҮЛДЕГЕР: Біз дайындаған роботты көрсеттік. Ол арнайы дайындалған себетке барып, QR кодты оқуы қажет. Сол арқылы нысанды алып себетке салуы керек. Сондай-ақ, республикалық сайыста модуль болды, ол нысандардың бағыты. Камера нысандарды анықтау керек. Бізге 12 нысан берілген болатын. Мен республикалық деңгейдегі сайысқа 3 ай дайындалдым, жалпы 3 жылдай мобильді техникамен айналысып келемін.
РКС: Көкшетау жоғары техникалық колледжінің студенті - Ильяс Гатин Мобильді қосымша әзірлеу құзыреттілігі бойынша екінші орынды иеленді. Оның айтуынша ұстазы Нұржамал Оспанованың жетекшілігімен чемпионатқа бір жарым жыл дайындалған.
СНХ: НҰРЖАМАЛ ОСПАНОВА, АРНАЙЫ ПӘНДЕР ОҚЫТУШЫСЫ: Мобильді қосымша әзірлеу компетенция бойынша сарапшы болып Ақмола облысынан бардым. Жалпы біздің копитенция бойынша 19 өңірден келген эксперттердің ішінде 16 эксперт ғана кірді. Яғни ол жаңағы кез келген студенттің жұмысын бағалай алады. Осы жылы біздің жаңағы мобильді қосымша әзірлеген компетенция бойынша жалпы істелінетін жұмыстардың ішінде 3 модуль ағылшынша болды. Ақмола өңірінен мобильді қосымша әзірлеу чемпионатына 2 жыл қатысып жатырмыз, 2 ші осы компетенцияны ашып, бас сарапшы ретінде жұмыс жасап жатырмын.
РКС: Айта кетейік, Астанада өткен додаға 550-ге жуық студент пен 500-ден астам сарапшы қатысты. Үш күндік чемпионаттың қорытындысы бойынша 30 негізгі құзырет бойынша 108 жеңімпаз анықталды. Жеңімпаздар елдің жетекші компанияларынан жұмысқа шақыртулар алды және келесі жылы Даниядағы EuroSkills чемпионатына қатысу үшін ұлттық құрамаға кіру мүмкіндігіне ие болды.
САБИНА ЖАМШИТОВА, ЖҮРСІН ӨМІРЗАҚ, КӨКШЕ АҚПАРАТ