ДИКТОР: Екінші дүниежүзілік соғыс ардагері, қоғам қайраткері, Көкшетау қаласының Құрметті азаматы Бүркітбай Батырхановтың 100 жылдығына орай «Ғибратты ғұмыр» фотоқұжаттық көрмесі ұйымдастырылды. Көрмеге Ш. Уәлиханов атындағы Көкшетау университетінің студенттері, М. Ғабдуллин атындағы азаматтық қорғау академиясының курсанттары қатысты. Жиналғандар Бүркітбай Батырхановтың рухына тағзым етті.
РКС: Бүркітбай Мәсіпұлы Батырханов 1942 жылы майданға шақырылып, Ұлы Отан соғысы жылдарында батылдық пен табандылық танытты. Соғыстан кейінгі жылдары Отанға қызмет етуді жалғастырды. Жауапты лауазымдарда жұмыс істеп, Ақмола өңірінің дамуына белсене қатысты.
СНХ: ӘСЕМ ӘЛДІБЕКОВА, ОБЛЫСТЫҚ ЦИФРЛАНДЫРУ ЖӘНЕ АРХИВТЕР БАСҚАРМАСЫ БӨЛІМІНІҢ БАСШЫСЫ: Осы көрмені өткізудің басты себебі ¬- жастарға, әсіресе ер-азаматтарға Батырханов Бүркітбай Мәсіпұлы сынды адал азаматтың еңбек жолын, майдан жолындағы еңбегін насихаттау арқылы сол жастарға үлгі, насихат, тәрбие беру болып табылады. Біздің архив қызметкерлерінің басты мақсаты ¬¬- осы архив құжаттарын насихаттау болып табылады. Жай ғана қорапта сақтаулы тұрмай, біз міндетті түрде ол құжаттарды қолданып фотоқұжатты көрмелер, тарих сабақтарын, дәрістер өткіземіз, мақалалар жазып отырамыз.
РКС: Көрме Бүркітбай атамыздың мұрасын насихаттауға, жастардың бойында патриотизм сезімін қалыптастыруға бағытталған. Батырдың өмір жолы, ерлігі жас ұрпақ үшін үлгі, – деп атап өтті азаматтық қорғау академиясының курсанттары.
СНХ: ОЛЖАС МЕРҒАЗЕЗ, М. ҒАБДУЛЛИН АТЫНДАҒЫ АЗАМАТТЫҚ ҚОРҒАУ АКАДЕМИЯСЫНЫҢ КУРСАНТЫ: Бүркітбай Мәсіпұлы небәрі 18 жасында майданға аттанған. Біз де қазір 17-18 аралығындағы жасөспірімдерміз. Сол майданға аттанған кезде ерлігін көрсетіп, полковник в отставке атағымен ардагер болып шыққан. Майданнан кейінгі уақытта бұл тұлға біздің қазақ елі үшін үлкен еңбек сіңірген. Болашақта мен де осы тұлға секілді елімді қорғауға дайын еліміздің нағыз патриоты боламын деп шештім.
РКС: Айта кетейік, облыстық мемлекеттік мұрағатта батырдың жеке қоры құрылып, оған тізімдеме, марапаттау құжаттары, партиялық билет, қызметтік және қоғамдық қызмет құжаттары, батырдың сұхбаты жинақталған. Іс-шара соңында қонақтардың назарына Бүркітбай Батырхановтың өз өмірбаяны туралы баяндайтын бейнефильм көрсетілді.
ИНТЕРШУМ:
ЕВГЕНИЙ ВАРАНКИН, АРАЙЛЫМ ШЫТЫРЫМБЕК, ПАВЕЛ СОЛОВЬЕВ, КӨКШЕ АҚПАРАТ.