ДИКТОР: Биыл командалық-штабтық оқу-жаттығудың республикалық штабы Көкшетау қаласында орналасқан. Сондықтан төтенше жағдайлардың алдын алу және оларды жоюға дайындығын бақылау мақсатында «Қыс-2024» республикалық командалық-штабтық оқу-жаттығулары соңғы екі күн бойы облыс орталығында өткізілді.

РКС: Оқу-жаттығулар жоспар бойынша қаланың төрт нысанында өтті. Құтқарушылар екінші аудандық қазандықта 300 шаршы метр алаңындағы өрттен нысанның төрт жұмысшысын құтқарды. Операция кезінде 16 техника, оның ішінде МИ-8 АМТ тікұшағы және жеке құрамның 70 адамы жұмылдырылды. Қопа көлінде балық аулауға келген екі балықшы көлікпен мұздың үстімен жүріп өткен. Сол тұста мұз жарылып кетті. Тікұшақтың көмегімен екі балықшы мұзды судан құтқару операциясы өткізілді.

ИНТЕРШУМ:

СНХ: АЯН РАЙЫМБЕКОВ, ҚР ТӨТЕНШЕ ЖАҒДАЙЛАР МИНИСТРЛІГІ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ: Бүгінгі республикалық командалық оқу-жаттығу орталығы болып Көкшетау қаласы таңдалды. Оқу-жаттығу екі кезеңде өтіп жатыр. Бірінші кезеңде кеше тактикалық оқу-жаттығу ойындар түрінде өтті. Республикалық және облыстық азаматтық қорғау қызметтер арасында өтті. Екінші кезең төрт оқу-практикалық түрде өтті. Маңыздылығы өте жоғары. Төтенше жағдайларын жою жоспары түзетіледі. Қазір республика бойынша 457 оқу-жаттығу өтті. Оған 12 мың адам қатысты және 4 мыңға жуық техника жұмылдырылды.

РКС: Зардап шеккендерге көмек көрсетуге төтенше жағдайлар министрлігінің өкілдері ғана емес, сонымен қатар «Қызыл Ай» қоғамының волонтерлері де қатысты. Бүгінгі оқу-жаттығуларда олардың міндеті құтқарушылар мен зардап шеккендерді ыстық тамақпен қамту болды.

СНХ: АСХАТ УӘЙІСОВ, «ҚЫЗЫЛ АЙ» ҚОҒАМЫ ОБЛЫСТЫҚ ФИЛИАЛЫНЫҢ ДИРЕКТОРЫ: «Қызыл Ай» қоғамының волонтерлері түрлі оқу-жаттығуларына рейдтік іс-шараларға қатысады. Зардап шеккен азаматтарға көмек көрсетеміз, ыстық тамақ береміз, төтенше жағдайлар кезінде гуманитарлық көмек көрсетеміз. Қазір қорымызда төсек жинақтары, жылы көрпелер, матрацтар, аяқ киімдер, бас киімдер бар. Бүгінгі оқу-жаттығу жиынына бізден 7 адам қатысты.

РКС: Республикалық штаб өкілдері оқу-жаттығудың ұйымдастырылуына және өткізілуіне жоғары баға берді.

ЕВГЕНИЙ ВАРАНКИН, ВАСИЛИЙ ВЕРЕЖНИКОВ, ЖАМБЫЛ БАЛТАЕВ, КӨКШЕ АҚПАРАТ.