ДИКТОР: Белгілі ғалым Гаусс математиканы барлық ғылымның патшасы деп атаған. Зеренді ауданының тұрғыны Маржан Әбуова да нақты ғылым мамандығын таңдаған. Білім саласындағы өз жолын адаспай тапқан ағарту саласының білікті маманы.
РКС: Жастайынан әкесі мен анасының зеректігіне тәнті болып өскен Маржан Әбуованың педагогикалық білім саласында еңбек етіп келе жатқанына 40 жылдан асты. Шоқан Уәлиханов атындағы Көкшетау университеті физика-математика факультетін тәмамдады. Талғат Қалиев, Сайлау Сәрсенғалиев, Ғалымжан Әйткенов, Қайрат Бекенов сынды майталмандардың сіңірген еңбегінің арқасында ұстаздық жолды тастамауыма бірден-бір себебі болды,-дейді кейіпкер. Әр сабағында заманауи әдістерді қолданады.
СНХ: МАРЖАН ӘБУОВА, ҚОНЫСБАЙ ОРТА МЕКТЕБІ МАТЕМАТИКА ПӘНІНІҢ МҰҒАЛІМІ: Жасанды интеллект қанша күшті болса да, Сухомлинский айтпақшы: Дербес ойланбайынша, ізденбейінше, мұғалімнің сөзінсіз ешқандай программада, оқулық та, ешбір техникалық құралдарда түкке аспайды деп. Біз енді сол білім беруден басқа, тәрбиелей де жатамыз.
РКС: Шәкіртсіз ұстаз тұл. Маржан Қабыкенқызының алдынан білім алып шыққан шәкірттері қазір еліміздің әр саласында табысты еңбек етіп жүр. Алыс-жақын шетелдерде де басшылық қызметте жүргендері бар. Қазір білім алып жатқан оқушыларының ішінде де республикалық ғылыми жобаларда, пән олимпиадаларында алдыңғы орыннан көрінуде. Ұстаздың өзі де түрлі байқаудың жеңімпазы. Педагог-зерттеуші санатындағы ұстаз.
СНХ: ГАУХАР ҚАСЫМОВА ҚОНЫСБАЙ ОРТА МЕКТЕБІНІҢ ДИРЕКТОРЫ: Маржан Қабыкенқызы біздің мектебіміздегі өте тәжірибелі ұстаздардың бірі.Өзінің барлық өмірін деп айтуға болады, балаларға білім беруге, оларды білімге деген құштарлықтарын дамытуға соған жіберген ұстаз. Жалпы айтатын болсақ, Маржан Қабыкенқызының білімге қосқан үлесі өте зор.
СНХ: ЖАЙНАҒАН ЕРЛАН, ҚОНЫСБАЙ ОРТА МЕКТЕБІНІҢ ОҚУШЫСЫ: Маржан Қабыкенқызының математика сабағы ерекше ұнайды.Ісіресе балалармен жұмыс істеуі. Өзін сабақтың үстінде ұстауы барлығы ұнайдыжәне де сабақты ерекше жаңа бағдарламада түсіндіреді. Маржан Қабыкенқызының сабағында мен өзімді еркін сезінемін.Оқушылармен өте жақсы жұмыс істейді. Ол кісінің сабағын мен өте ерекше жақсы көремін.
РКС: Маржан Қабыкенқызы егемен еліміздің білімді ұрпағын тәрбиелеп, үлкен өмірге жолдама беруде. Өзі де ылғи ізденіс үстінде. Біліктілігін арттырудан жалыққан емес.
НҰРСӘУЛЕ МҰРАТ, ПАВЕЛ СОЛОВЬЕВ, КӨКШЕ АҚПАРАТ.