ДИКТОР: Елімізде қарашаның үшінші жексенбісінде ауыл шаруашылығы, тамақ және өңдеу өнеркәсібі қызметкерлері күні аталып өтеді. Кәсіби мереке қарсаңында облыс орталығында «Ауыл» партиясы сала мамандарына мерекелік шара өткізді.
РКС: Салтанатты шарада «Ауыл» партиясы Ақмола облыстық филиалының төрайымы Анар Аяпбергенова құттықтауын айтты. Ауыл шаруашылығы саласының басты мақсаты – халықтың азық-түлік қауіпсіздігін қамтамасыз ету. Саласының еңбек адамдарын марапаттау жыл сайын ұйымдастырылады.
СНХ: АНАР АЯПБЕРГЕНОВА, "АУЫЛ" ПАРТИЯСЫ ОБЛЫСТЫҚ ФИЛИАЛЫНЫҢ ТӨРАЙЫМЫ: Бүгінгі біздің марапат шарасы ұйымдастырылп атқан бұл енді «Ауыл шаруашылық саласының үздігі» деген сондай медальмен марапатталады. Бұл енді ведомстволық марапат. Негізінде бұл куәлік министрінің атынан жазылған. Осы кісілерді марапатқа дайындау үшін, құжаттарды барлығын ол Серік Рахметоллаұлы Егізбаевтің қолымен кеткен сол министрлікке. Сол өте қауныштымыз бүгін осы кісілерге біз осындай марапат жасауға жағдайымыз бар екен. Осныдай жағдаймен, барлық ауыл шаруашылық күнімен құттықтаймын. Зор денсаулық, ашық аспан тілеймін. Мемлекетіміз дами берсін.
РКС: «Ауыл шаруашылығының үздігі» төсбелгісімен саланың дамуына зор үлес қосқандар марапатталды. Олар: ұзақ жылдар бойы қажырлы еңбегімен ел экономикасын дамуына тер төккен Смағұл Сәдуақасов атындағы агротехникалық институтының ауыл шаруашылығы және биоресурстар кафедрасының доценті, 40 жылдан аса еңбек өтілі бар Зейнегүл Сәттібаева, «Жұмысшы-Астық» серіктестігінің бригадирі Қайрат Сыздықов, Жарқайың ауданы Уәлиханов ауылындағы «Пламя» шаруашылығының басшысы Евгений Рыжков.
СНХ: ЕВГЕНИЙ РЫЖКОВ, «ПЛАМЯ» ШАРУА ҚОЖАЛЫҒЫНЫҢ БАСШЫСЫ: «Пламя» шаруа қожалығы 1993 жылы құрылған. Құрылтайшысы менің әкем болды. Біз 30 жылдан аса жұмыс істеп келеміз. Дәнді дақылдарды өндіреміз: бидай, арпа. Кішкентай аумақтан бастап, оны біртіндеп ұлғайттық. Қазіргі уақытта жаңа комбайндар, К-700 тракторлары сатып алынуда – ауыл шаруашылығы техникаларын жаңартып, тұқым қорын жақсартудамыз. Мен өзім бұл қызметке 2015 жылы әкем қайтыс болғанда келдім. Осы жылдар ішінде, әрине көптеген өзгерістер болды. Біз жоғары сапалы ауыл шаруашылығы өнімдерін шығаруға тырысамыз.
РКС: «Ауыл жастары» жастар қанатының 10-нан аса мүшесі бағдарламалық мақсаттарды жүзеге асыруға қосқан зор үлесі үшін «Ауыл» партиясы Ақмола филиалы төрайымының Алғыс хатымен марапатталды. Салтанатты шара концерттік бағдарламамен аяқталды.
МАҚПАЛ АЙБАБИНА, ЭЛЬМИРА ОСПАНОВА, БАУЫРЖАН СМАҒҰЛОВ, КӨКШЕ АКПАРАТ.