ДИКТОР: Аймақтағы егін жинау науқаны аяқталуға жақын. Сандықтау ауданының "Мәдениет" серіктестігінде астық жинау қарқынды жүріп жатыр. Егіннің шамамен 90 проценті жиналды.
РСК: Биыл "Мәдениет" серіктестігінің аграршылары 24 мың гектар алқапқа дәнді дақыл сіңірген. Оның 18 мың гектары бидай, 5 мың гектары арпа, 1 мыңы жасымық.
СНХ: ЕРЖАН СЪЕЗБЕК, "МӘДЕНИЕТ" СЕРІКТЕСТІГІНІҢ БАС ДИРЕКТОРЫ: Средняя урожайность енді 15-ке дейін болып жатыр. Качествоға қарайтын болсақ. Качество кішкене азырақ. Клейковинасы жоқ кейбірлерінде, натура жоқ. Ауа райы, Аллаға шүкір, уақыт беріп жатыр жинауға.
РСК: Күзгі егін орағына 150 адам тартылды. Олар ауысыммен тәулік бойы жұмыс істейді. Егін жинау үшін өнімділігі жоғары 30 комбайн танап басына шығарылды. Серіктестіктегі жұмысшылар үшін барлық жағдай жасалған. Баспанамен және тамақпен қамтамасыз етіледі. Мысалы, жалдамалы жұмысшылар үшін 60 орындық жатақхана салынды. Соған қарамастан, кадр тапшылығы сезіледі. Айта кетейік, механизаторлар күзгі маусымда орта есеппен 1,5-2 млн.теңге табыс табады.
СНХ: АКИМ САВЕЛЬЕВ, КОМБАЙНШЫ: Барлығы ұнайды. Бірінші жыл, алғашқы маусымда жұмыс істеп жатырмын. Жұмысым өзіме ұнайды, жалақысы жақсы.
РСK: Астық сақтайтын қамбада екі кептіргіш бар. Олар сағатына 70 тоннаға дейін өнім кептіреді. Негізінен бидай Атбасар элеваторларына жеткізіледі. Ауа райы жақсы болса, шаруалар аптаның соңына дейін егін жинауды аяқтамақшы.
НҰРСӘУЛЕ МҰРАТ, ҚАЙЫРБЕК ТӨЛЕГЕНОВ, ЖҮРСІН ӨМІРЗАҚ, ЖАМБЫЛ БАЛТАЕВ, КӨКШЕ АҚПАРАТ