ДИКТОР: Заманауи техникалық жабдықтың арқасында туристік маусым еш қиындықсыз өтіп, жақсы аяқталды. «Көкшетау» мемлекеттік ұлттық паркінің қызметкерлері қысқы маусымға да дайын.
РКС: Орманшыларды қажетті жабдықтармен жарақтандыру орман ресурстарын тиімді басқару үшін аса маңызды. Бұл өз кезегінде орман-тоғайларды қорғау, қалпына келтіруде орманшылардың алдына қойылған міндеттерін уақытылы орындауға көмектеседі. Сонымен қатар олардың жұмысының қауіпсіздігін арттырады.
СНХ: ҚУАНЫШ ШӘГЕНОВ, «КӨКШЕТАУ» МЕМЛЕКЕТТІК ҰЛТТЫҚ ТАБИҒИ ПАРКІ ШАЛҚАР ФИЛИАЛЫНЫҢ БАС ИНЖЕНЕРІ: Шалқар филиалында екінші үлгідегі ормандағы өрт сөндіру станциясы бар. База «Зил-131» және «Газ-3308» екі өрт сөндіру машинасымен жарақтандырылған. Сондай-ақ, былтыр шағын орман өрт кешеніне «Уаз Патриот» көлігі сатып алынды. Ормандағы өрт сөндіру станциясында штат толық. Ормандағы өрт сөндіру станциясының бастығымен бірге 8 жауынгер еңбек етеді. Ережеге сәйкес стационарлық рациямен және телефон байланысымен жарақтандырылған. Сондай-ақ 2 өрт-бақылау мұнарасы бар.
ИНТЕРШУМ:
РКС: Филиал жазғы туристік маусымда өрттің жедел алдын алуға мүмкіндік беретін тілсіз жауды ерте анықтау жүйесіне қосылған бес камерамен жабдықталған. Күзде және қыста бұл жүйе браконьерлерді анықтауға жәрдемдеседі. Ормандағы аң-құстарға қысқа жем-шөп дайындау орман ресурстарын басқарудың маңызды аспектісі. Бұл ретте жануарлар әлемі қыс мезгілінде қосымша қолдауды қажет ететіні сөзсіз.
СНХ: ВЛАДИМИР ГАЛКИН, «КӨКШЕТАУ» МЕМЛЕКЕТТІК ҰЛТТЫҚ ТАБИҒИ ПАРКІ ШАЛҚАР ФИЛИАЛЫНЫҢ БАС ҚОРЫҚШЫСЫ: Шалқар филиалында жыл сайын биотехния, яғни жануарлар әлемі үшін жем-шөп дайындалады. Біз 54 мың 294 дана сыпырғыш жинап қойдық. Сондай-ақ шөп, тұз, астық қалдықтарын жинаймыз. Мұның бәрі жануарлар әлемін қолдау, тамақтандыру үшін қажет. Қысқа толық дайынбыз. Биыл бәрі ойдағыдай.
РКС: Осылайша, Имантау орманшылығы техникалық құралдармен, сондай-ақ қысқы маусымға толық дайын.
ЕВГЕНИЙ ВАРАНКИН, ВАСИЛИЙ ВЕРЕЖНИКОВ, БЕКЖАН ТӨЛЕБЕК, КӨКШЕ АҚПАРАТ