«Тіл-таным» клубы ашылды
ДИКТОР: Зеренді ауданындағы тілдерді оқыту орталығының жанынан «Тіл-таным» клубы ашылды. Айта кетейік, клуб өз жұмысын жылдың басынан бері жүргізіп келеді. Қазір оның 25-ке жуық мүшесі бар, арасында өзге ұлт өкілдері де бар. Аталған клубтың салтанатты ашылуы өтті.
ИНТЕРШУМ:
РКС: Әр тіл-өзінше бір тұтас әлем, асыл құндылықтардың бірі. Бүгінгі күннің заманауи талабы-тілдерді үйрену. Сондықтан, алдына мақсат қойып, бірнеше тілді меңгеруге ниет еткен түрлі мекеме қызметкерлері орталық жанында мемлекеттік тілмен қоса ағылшын тілінен де дәріс алуда.
СНХ: СӘНДІБЕК НҰРШӘРІПҰЛЫ, ЗЕРЕНДІ АУДАНДЫҚ ТІЛДЕРДІ ОҚЫТУ ОРТАЛЫҒЫНЫҢ БАСШЫСЫ: Қаңтар айынан бері біздің орталықта 130-дан астам мемлекеттік қызметкерлер білім алып келе жатыр. Соның ішінде өзге ұлт өкілдері 38-ден асады. Биылғы біздің ең басты жаңалығымыз «Тіл таным» клубы болып саналады. Тіл таным клубының негізгі мақсаты-қазақтағы көнерген сөздерді дәріптеу, және қазақтың болмысына сай салт-дәстүрлерді жас ұрпаққа жетілдіру, жеткізу болып табылады.
РКС: Клуб мүшелері аптасына бір жиналады. Клубтың ерекшелігі – оның қатысушылар ұлттық киімді кию арқылы насихаттап, құндылықтарды жаңғыртуға үлес қосады. Сонымен қатар сауалнамалар жүргізіп, түрлі тақырыпқа бейнебаян түсіру арқылы да жүзеге асырады.
СНХ:АЙТОЛҚЫН ҚАЙРАТҚЫЗЫ, «ТІЛ-ТАНЫМ» КЛУБЫНЫҢ ЖЕТЕКШІСІ: Тіл таным клубының жалпы ашылудағы мақсат «Тіл таным» клубының қатысушыларымен бірге және өнерпаздарымен бірге түрлі тақырыпта сценарий жазып сахналық қойылымдар арқылы халыққа көрсете білу. Ата-әжелерімізбен және де өзге ұлт өкілдерімен бірге түрлі тақырыпта «Танабау» секілді көріністерді көрермендерге, халқымызға жеткізіп берудеміз.
РКС: Шара барысында клуб мүшелерінің қатысуымен «Танабау тағу» көрінісі қойылды. Бұл ертеден келе жатқан дәстүр. Бірақ қазірде ұмыт қалған жөн-жоралғының бірі. Ұл немесе қыз бала ата-анасына қолғабыс еткенін көрген туған-туыс немесе көрші қолаңы түйме-тана, білезік тағып жібереді екен. Оны танабау деп атайды. Шара соңында аудандық, облыстық байқауларға белсене қатысып жүрген клуб мүшелері Зеренді ауданы әкімінің Алғыс хатымен марапатталды.
САБИНА ЖАМШИТОВА, АЛМАС СӘДУАҚАСОВ, КӨКШЕ АҚПАРАТ