ДИКТОР: 12 тамыз - Халықаралық жастар күні. Осыған орай, 3-12 тамыз аралығында республикалық онкүндік өтеді. Өңірдің барлық аудандарында аспан астында «Жастармен бірге!» фестивалі ұйымдастырылмақ.

РКС: 3-ші тамыз «Таза Қазақстан» республикалық акциясы өтті. Өңірдің белсенділері сенбілікке шығып, аулаларды қоқыстан тазартты. Ал, 4-ші тамыз жастардың өзін-өзі дамытуға, көшбасшылық және кәсіби шеберліктерін арттыруға арналған «Jas Kelse, Iskе» онлайн тренингі ұйымдастырылды. Бүгін спорт және дене шынықтыру басқармасының бастамасымен барлық мемлекеттік және жеке кәсіптік ұйымдардың қызметкерлері жаппай таңғы оқу-жаттығу өткізді. Сондай-ақ, репродуктивті денсаулық тақырыбында тікелей эфир көрсетілді.

СНХ: ДАСТАН ЕРМЕКОВ, ОБЛЫСТЫҚ ЖАСТАР РЕСУРСТЫҚ ОРТАЛЫҒЫНЫҢ БАСШЫСЫ: 6-шы тамыз - "gylym tappai maqtanba" атты тақырыпта облыстық жастар ресурстық орталығы Абай Құнанбаев күніне орай интелектуалды ойын ұйымдастыру көзделіп отыр. 7-ші тамыз - "meyirimdilik mekeni" тақырыбында облыс бойынша «Қарттар - асыл қазынам» және балалар үйлерінде қайырымдылық акцияларын өткізуді жоспарға салудамыз. 8-ші тамыз "adal azamat". Бұл күні Ішкі істер департаменті Жастар ресурстық орталықтарымен бірлесіп, «Адалдық алаңы» жобасы аясында жемқорлыққа қарсы және алаяқтыққа жол бермеу мақсатында адамдардың жаппай жиналатын орындарында үлестірме материалдары таратылады.09:52

РКС: Мәдениет және ақпарат министрлігінің тұжырымдамасына сәйкес, Халықаралық жастар күнін өңірде атап өту жас буынның бірқатар мәселелерін шешуге оң септігін тигізбек. Атап айтқанда, жұмыспен қамту, өз денсаулығын күту, экологиялық мәдениетті қалыптастыру мен нашақорлық пен құмар ойындарға тәуелділіктің алдын алу.

СНХ: САБЫРХАН КЕНЖЕБАЕВ, ОБЛЫСТЫҚ ІШКІ САЯСАТ БАСҚАРМА БАСШЫСЫНЫҢ ОРЫНБАСАРЫ: Фестиваль аясында әртүрлі байқаулар, концерттік бағдарлама және жастар шығармашылық ұжымдарының өнер көрсетулері ұйымдастырылады. Сондай-ақ, су тасқынына қарсы іс-шараларға қатысқан еріктілер, республикалық онкүндік аясындағы іс-шаралардың белсенді қатысушылары мен жеңімпаздарына алғыс хаттар табысталады.

РКС: Жалпы, өңірде Жастар күніне орай 150-ге жуық іс-шара өткізу жоспарланған. Оның ішіндегі 20 шараны облыстық жастар ресурстық орталығы ұйымдастырады.

ЛАУРА ДӘУЛЕТБЕК, ВЕРОНИКА ЦВЕТКОВА, БАУЫРЖАН СМАҒҰЛОВ, КӨКШЕ АҚПАРАТ