ДИКТОР: Қазақстан темір жолының құрылғанына 120 жыл толды. Қоғам өмірін осы саласыз елестету қиын. Ел үшін елеулі еңбектері үшін мерейтой қарсаңында теміржол қызметкері марапатталды.
РКС: Теміржол көлігі - ел экономикасының маңызды базалық салаларының бірі. Ол ішкі және сыртқы көлік-экономикалық байланыстарын және халықты тасымалдауды қамтамасыз етеді. Жыл басынан бері облыстық филиалға тиесілі аумақта 2 млн. 808 мың тонна жүк тиелді. Оның негізгі үлесі - астық.
СНХ: ЗӘУРЕШ РАЙЫМБЕКОВА, "ҚАЗАҚСТАН ТЕМІР ЖОЛЫ" ҰК АҚ ФИЛИАЛЫ ДИРЕКТОРЫНЫҢ ЭКОНОМИКА ЖӘНЕ ҚАРЖЫ ЖӨНІНДЕГІ ОРЫНБАСАРЫ: Біздің Ақмола магистральдық желі бөлімшесі жалпы магистральдық Дирекция бойынша ең ірі бөлімшелердің бірі. Бізде 6,5 мыңнан астам адам жұмыс істейді. "Қазақстан темір жолы" ұлттық компаниясының құрылғанына 120 жыл толуына орай 200-ге жуық адам марапатталды. Жартыжылдық қорытындысы бойынша алғаш рет инженерлік-техникалық және әкімшілік персонал үшін еңбек қатынасы коэффициенті сыйлықақыларының түрі енгізілді
РКС: Көлік байланысының сапалы қызметі халықтың тұрмысын жақсартуда ерекше маңызды роль атқарады. Бүгінде елімізде жол, әуе, теміржол қатынасын дамыту бағытында үлкен жұмыстар атқарылып жатыр.
СНХ: САЙРАН БАРЖАҚСИН, «ЖҮК ТАСЫМАЛЫ АҚМОЛА БӨЛІМШЕСІ» ФИЛИАЛЫНЫҢ БАС ИНЖЕНЕРІ: 120 жыл аралығында Қазақстан темір жолы қарқынды дамуда. Бүгінгі күні жаңа локомативтер, автоматтандырылған орындар іске қосылуда. Біздің басты мақсатымыз- жол қауіпсіздігі мен еңбек қауіпсіздігін сақтау.
РКС: Темір жол жұмысын қолдауда ауқымды жұмыстардың жүргізілетіні айқын. Бүгінгі таңда жоғары технологиялардың дамуы барысында түрлі құралдар мен жабдықтардың арқасында көптеген ауқымды жұмыстар жүргізіледі. Бірақ мұның барлығы жігерлі еңбектен бастау алады.
СНХ: АЙДЫН БАЙЖОКИН, ҚАЗАҚСТАН ТЕМІР ЖОЛЫ ҰЛТТЫҚ КОМПАНИЯСЫ АКЦИОНЕРЛІК ҚОҒАМЫНЫҢ- АҚМОЛА МАГИСТРАЛЬДЫҚ ЖЕЛІ БӨЛІМШЕСІ ФИЛИАЛЫНЫҢ ӨРТ ПОЙЫЗДАРЫ БАСТЫҒЫНЫҢ МАТЕРИАЛДЫҚ-ТЕХНИКАЛЫҚ ҚАМТАМАСЫЗ ЕТУ БОЙЫНША КӨМЕКШІСІ: Құрметті әріптестер, сіздерді теміржолшылар күнімен құттықтаймын . Теміржолға биыл 120 жыл. Баршаңызға зор денсаулық, еңбек пен жаңа бастамаларда табыс тілеймін. Сонымен қатар жаңа жетістіктер мен қауіпсіз тасымалдаулардың болуына тілектеспін.
РКС: Аталмыш мерекелік іс шараға орай концерттік бағдарлама көрсетілді, сондай-ақ үздік қызметкерлер құрмет грамотасымен марапатталды.
САБИНА ЖАМШИТОВА, АЛИШЕР ШАКУБАЕВ, КӨКШЕ АҚПАРАТ