ДИКТОР: Облыстағы жастардың саны 200 мыңнан асады. Жастар саясатын іске асыру және оларды қолдау мақсатында облыста біршама іс-шаралар қолға алынған. Өңірдегі жастарды жұмыспен қамту, бос уақытын ұйымдастыру және толыққанды дамыту сияқты өзекті мәселелер шешімін табуда. Облыстық әкімдік жанындағы жастар ісі жөніндегі кеңес отырысында қатысушылар осы бағыттағы жұмыстың барлық бағыттарын қарап, тыңдап, ұсыныстары мен түзетулерін енгізді.
РКС: Мамандардың айтуынша, жастармен жұмыс жасаудың маңызды бағыттарының бірі жұмыспен қамту, NEET санатындағы адамдар санын азайту. Бүгінде жастардың 10 мыңнан астамы жұмыссыз. Оларды әлеуметтендіру мақсатында жұмыспен қамту орталықтары белсенді жұмыс істеуде.
СНХ: АЛМАС АЛИН, ОБЛЫСТЫҚ ІШКІ САЯСАТ БАСҚАРМАСЫНЫҢ БАСШЫСЫ: Жыл басталғалы жұмыспен қамту орталықтарына 7 мыңнан астам жас буын өкілдері жүгінген. Оның 4 мыңнан астамы жұмыспен қамтылды. Соның ішінде 2 жарым мыңнан астамы елдімекендерге орналасқан. Былтыр «Дипломмен ауылға!» жобасы аясында бюджеттік несиелерді бөлу үшін 163 маманға 1,3 млрд. теңге және 810 маманға көтерме жәрдемақы төлеуге 229 млн. теңге бөлінді.
РКС: Өңірде жұмыссыз жастарға арналған 120-ға жуық бос жұмыс орындары жәрмеңкесі өтті. Нәтижесінде 900-ден астам адам жұмыс тапты. Бос уақытты тиімді пайдалану және жастардың дамуы үшін түрлі іс-шаралар ұйымдастырылады.
СНХ: ДАСТАН ЕРМЕКОВ, ОБЛЫСТЫҚ ЖАСТАР РЕСУРСТЫҚ ОРТАЛЫҒЫНЫҢ БАСШЫСЫ: Жастар күні қарсаңында бізде 10 күнтізбелік күн бар, яғни әрқайсысы іс-шаралар өткізетін болады. 3 тамыз - экология күні, Көкшетау, Қосшы, Степногорск қалаларында және аудандарда «Таза Қазақстан» республикалық экологиялық акциясы басталады. Бұл елді мекендерді, қалаларды, өзендерді, көлдерді тазалау. Бізде Абай Құнанбаевтың күні бар, ол күні бізде әлеуметтік желілерде түрлі форматтағы жарияланымдар өтеді, біреулер өлең айтады, біреулер олардың тарихын толығымен айтады. Одан әрі тренингтер, квест ойындары өтеді, іс-шараның түрлі форматтары өтеді.
РКС: Жастар күніне орай облыс бойынша 150-ге жуық іс-шара ұйымдастыру жоспарланған.
РИЗАГҮЛ ШӘМЕНОВА, ВЕРОНИКА ЦВЕТКОВА, МЕДЕТ ҚАЙЫРКЕНОВ, КӨКШЕ АҚПАРАТ.