ДИКТОР: Облыста 225 мыңнан астам жас бар. Олардың едәуір бөлігі облыстың қоғамдық өміріне белсене қатысады. 150-ге жуық жастар ұйымы бар. Белсенділер әртүрлі бағытта жұмыс істейді.
РКС: Мысалы, "Жастар Рухы" жастар ұйымы өңірдің 5 мыңнан астам жас патриоттарын біріктіреді. Белсенділер түрлі экологиялық іс-шараларға қатысады, вандализмге қарсы акциялар өткізеді, сыбайлас жемқорлықпен күреседі. Нашақорлықтың таралуына қарсы күрес мақсатында "Есірткіге жол жоқ!». Бүгінгі таңда облыстың 17 ауданында және 3 қаласында "Жастар Рухы" жастар қанатының филиалдары бар.
СНХ: МАРЖАН МУСКИНА – "AMANAT" ПАРТИЯСЫ ЖАНЫНДАҒЫ "ЖАСТАР РУХЫ" ЖАСТАР ҚАНАТЫ ОБЛЫСТЫҚ ФИЛИАЛЫНЫҢ КЕҢЕСШІСІ: "Жас саясаткер" клубының сәтті аяқталғанын атап өткім келеді. Мамыр айында аяқталған "Жас саясаткер" клубының қорытындысы бойынша бізде 5 депутат көмекшісі, 3 мобилограф дайындалды. 2 адам жоба барысында біз жұмыс істеген белгілі бір ұйымдарға, компанияларға жұмысқа орналасты. 2024 жылдың күзінде "жас саясаткер" клубының мүшелерінен жастар мәслихатын іске қосуды жоспарлап отырмыз. Сонымен қатар, "Жастар Рухы" жастар қанаты салауатты өмір салтын белсенді түрде насихаттайды. Спорттық іс-шаралар өткізіледі.
РКС: Өңірде жастар арасында сыбайлас жемқорлыққа қарсы сананы қалыптастыруға ерекше көңіл бөлініп отыр. Бұл бағытта - "Жас қыран" сыбайлас жемқорлыққа қарсы жастар ұйымының алар орны айрықша. Бірлестікке облыста 250 жас мүше болған.
СНХ: ДОСБОЛ РАҚЫМБЕКОВ – "ЖАС ҚЫРАН" СЫБАЙЛАС ЖЕМҚОРЛЫҚҚА ҚАРСЫ ЖАСТАР ҰЙЫМЫ БУРАБАЙ АУДАНДЫҚ ФИЛИАЛЫНЫҢ ӨКІЛІ: Түрлі брифингтер, дөңгелек үстелдер, диалог алаңдарын өткіземіз. Жастарды дөңгелек үстелдерге шақырамыз, яғни сыбайлас жемқорлықпен қалай күресуге болатынын бірге талқылаймыз. Біз олардың көзқарасын білеміз, тыңдаймыз, олар сыбайлас жемқорлыққа қарсы қандай өзекті шараларды қабылдау болатынын айтады. Жалпы, жұмыс барысында сыбайлас жемқорлықтың алдын алу үшін көп нәрсе жасадық. Біз 21 ғасырдың жастары сыбайлас жемқорлыққа қарсымыз.
РКС: Жастар ұйымдарын қолдаумен облыстық жастар-ресурстық орталығы айналысады. Сондай-ақ, ұйым жастардың мүдделері мен қажеттіліктері негізінде әртүрлі бағыттарда жобалар мен бағдарламаларды іске асырады. Оларды жұмысқа орналастыруға және кәсіптік бағдарлауға дайындауға жәрдемдеседі. Сонымен қатар, Волонтерлік қызметті дамытуға ерекше назар аударылады.
СНХ: МАҚПАЛ ЖАНАРЫСОВА – ОБЛЫСТЫҚ ЖАСТАР РЕСУРСТЫҚ ОРТАЛЫҒЫ БАСШЫСЫНЫҢ МІНДЕТІН АТҚАРУШЫ: Аудандар бойынша бізде 130-ға жуық жастар ұйымы бар. Сондай-ақ жергілікті жерлерде жастар ресурстық орталықтары бірлесіп іс-шараларды өткізеді. Барлығы өз бағыттары бойынша жұмыс істейді. Бұл спорт, би, еріктілік, медицина.
РКС: Белсенді жастар, еріктілер су тасқыны кезінде өздерін көрсетіп, тұрғындар мен құтқарушыларға көмектескенін атап өткен жөн. Жасына қарамастан, олар жауапты азаматтың жарқын мысалы.
САБИНА ЖАМШИТОВА, ҚАЙЫРБЕК ТӨЛЕГЕНОВ, БАУЫРЖАН СМАҒҰЛОВ, ЖҮРСІН ӨМІРЗАҚ, КӨКШЕ АҚПАРАТ.