ДИКТОР: Биыл Қорғаныс министрлігі «Срочник 2.0» пилоттық жобасын іске қосты. Енді Отан алдындағы борышын өтеген сарбаздардың тегін мемлекеттік грантқа ие болуға мүмкіндігі бар. Ол үшін жоғары оқу орындарына 3 мың орын бөлінді. Оның 350-і әскери білім беру мекемелерінде.
РКС: Жобаға Қазақстанның 70 ірі жоғары оқу орны қосылды. Тегін грант алуға үміткер сарбаз үш жоғары оқу орнын таңдап, өтінім бере алады. Әскери борышын өтеу барысында олар ұпай жинайды, яғни жауынгерлік дайындығы бағаланады. Сонымен қатар әскери өмірдегі басқа да шараларға белсене қатысқаны үшін ұпай беріледі.
СНХ: ТАЛҒАТ МІНАЙДАРОВ, 5510 ӘСКЕРИ БӨЛІМІНІҢ ЖАУЫНГЕРЛІК ДАЯРЛЫҚ БӨЛІМШЕСІ БАСТЫҒЫНЫҢ КӨМЕКШІСІ: "Срочник 2.0" бағдарламасына сәйкес сарбаздар 3 критерий бойынша іріктеледі. Олар жауынгерлік дайындықтың нәтижелері, оның әскери тәртібі және әскерде қызмет ету кезінде жүктелген арнайы міндеттерді орындау.
РКС: Ұлттық Ұланның 5510 әскери бөлімінің 68 сарбазы жоғары оқу орнында тегін оқуға грант алды. Олардың арасында Жамбыл облысынан шақырылған Дәурен Мұхтар да бар.
СНХ: ДӘУРЕН МҰХТАР, САРБАЗ: Мен 768 ұпаймен сертификатты жеңіп алдым. Тараз қаласындағы Шерхан Мұртаза атындағы инновациялық университетіне. Бұл грантқа қатысу үшін әскери тәртіпті сақтауға, қойылған міндетті дұрыс орындауға, командирлердің бұйрықтарын бұлжытпай орындау қажет.
РКС: Іріктеуді процестің ашықтығы мен ыңғайлылығы үшін Қорғаныс Министрлігінің сайтында «Срочники 2.0» цифрлық платформасы құрылды. Мұнда сарбаздар өздерінің және әріптестерінің ұпайларын көре алады, рейтингтерін салыстырады. Айта кетейік, бұл пилоттық жобаны жүйелі негізге ауыстыру жағы қарастырылып жатыр.
САМАЛ ЫСҚАҚОВА, ҚАЙЫРБЕК ТӨЛЕГЕНОВ, ӘЛІШЕР, ШАКУБАЕВ, КӨКШЕ АҚПАРАТ