ДИКТОР: Жиырма миллионыншы қазақстандық дүниеге келген күні облыстық перинаталдық орталықта 13 сәби туды. Олардың оны ұл, үшеуі қыз бала. Бұл бүлдіршіндер халық санағының жаңа миллиондық есебін бастаушылар. Ел тарихына айтарлықтай өзгеріс енгізген аналар мен сәбилерді облыстық іскер әйелдер кеңесінің мүшелері мен әйелдер ісі жөніндегі комиссияның өкілдері құттықтады.
РКС: Әдетте, перинаталдық орталықтың ішінде ән айтып, шулауға тыйым салынады. Бірақ, халық санын 20 миллионнан асырған аналар үшін бұл тәртіптің сақталмағаны айып болмас. Құттықтап келген облыстық іскер әйелдер кеңесінің мүшелері мен әйелдер ісі жөніндегі комиссия өкілдері аналарға ән жолдап, жылы лебіздерін білдірді. Сондай-ақ, әр балаға бағалы сыйлық тарту етті.
ИНТЕРШУМ: аналарды әнмен құттықтау
СНХ: ӘСЕМГҮЛ МҰСТАФИНА, ОБЛЫСТЫҚ ІСКЕР ӘЙЕЛДЕР КЕҢЕСІНІҢ МҮШЕСІ: Еліміздің болашағы біздің ұрпағымыз екені барлығымызға да анық. Бүгінгі күні біз Қазақстан Республикасының 20 миллионыншы тұрғынының дүние есігін ашуының керемет сәтінің куәгері болып отырмыз. Осынау сәтті пайдалана отырып, іскер әйелдер кеңесі мүшелерінің атынан шын жүректен құттықтаймын. Аналар мен балаларға денсаулықтары мықты болып, қазақ елі сауатты да, дені сау салиқалы ұрпақпен көбее берсін.
РКС: 14-қараша көкшетаулық Ыбыраевтар әулеті үшін мың есе қуанышты күн болды. Өйткені, әулеттің келіні Райхан егіз ұлды дүниеге әкелген. 32 жастағы келіншек бұған дейін 3 баланың анасы болса, енді көпбалалы ақжаулықтылар санатына еніп отыр. Жүктілік кезінде егіз екенін білгенде абдырап қалғанын да жасырмайды. Бірақ қуанышымыз басым болды,-дейді Райхан. Екі ұлдың бір-біріне ұқсайтыны соншалық, анасы әзірге ажырата алмайды.
СНХ: РАЙХАН ЫБЫРАЕВА, КӨПБАЛАЛЫ АНА: Бір біріне ұқсайды, но ажырата алмаймын. Атын Алан, Арлан деп қойдық. Салмағы 2.800, 2.200. 48,49 бойлары. Үлкен ұлымыз 12-де, екінші қызымыз 11-де, үшінші қыз бесте.
РКС: Жыл басынан бері облыстық перинаталдық орталықта 3405 бүлдіршін туған. Оның ішінде қырық сегіз егіз, 1 үшем дүниеге келді.
ФАРИЗА АСЫЛБЕКОВА, ДАРХАН МҮЖІБАЕВ, ЖАМБЫЛ БАЛТАЕВ КӨКШЕ АҚПАРАТ