ЖЫЛ БАСЫНАН БЕРІ ҚЫЗЫЛША ЖҰҚТЫРҒАН 21 НАУҚАС АНЫҚТАЛДЫ
ДИКТОР: Ақмола облысында инфекцияға қарсы вакцинациялау мәселесі өткір тұр. Екпе алмаған балалар арасында қызылша ауруы тіркелуде. Жыл басынан бері облыста 35 адамның ауру жұқтырғанына күдік болды.
РКС: Сараптама арқылы қызылшаның 21 жағдайы расталды, оның ішінде 2 ересек адам және 14 жасқа дейінгі 19 бала. Дәрігерлерге жүгінген 16 бала екпе алмаған, оның ішінде 7-і ата-анасының вакцинациядан бас тартуына байланысты. Өңірде санитарлық-эпидемиологиялық қызмет өкілдері екпеден бас тартудың алдын алу мақсатында халықпен жұмыс жүргізуде.
СНХ: СЕРІК ОМАРХАНОВ, ОБЛЫСТЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫ БАСШЫСЫНЫҢ ОРЫНБАСАРЫ: Жағдайлар Көкшетау, Степногорск қалаларында және Бурабай, Зеренді, Бұланды аудандарында тіркелді. Жалпы алғанда облыс бойынша профилактикалық екпе алудың орташа көрсеткіші - 54%, республикасы бойынша 47,49% құрайды. Республикада балалар мен жасөспірімдерді профилактикалық егу Ұлттық екпе күнтізбесіне сәйкес жүргізіледі. Профилактикалық егумен қамтудың негізгі көрсеткіші – перзентханаларда жаңа туған нәрестелерді егу.
РКС: Вакциналар қоздырғыштарға қарсы иммунитетті қалыптастыру үшін табиғи қорғаныс қалыптастыру арқылы ауру қаупін азайтады. Дегенмен екпеге қарсы шыққандар да бар. Сала мамандарының айтуынша, бала-бақшада екпе алмаған балалар көптеп табылса, басшылық жауапкершілікке тартылады. Бұл әсіресе жеке меншік бала-бақшаларға қатысты.
СНХ: СЕРІК ОМАРХАНОВ, ОБЛЫСТЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫ БАСШЫСЫНЫҢ ОРЫНБАСАРЫ: Денсаулық сақтау министрінің 2020 жылы «Мектепке дейінгі ұйымдарға қабылдау ережесін бекіту туралы» №289 бұйрығы қабылданды. Жоспарлы профилактикалық екпе алмаған балалар және ұжымдық иммунитеттің шекті деңгейі, оның шегінде мектепке дейінгі мекемелердің топтарын құру кезінде топтағы 90% вакцинациялануы тиіс. Екпе алмағандар тек 10% ғана рұқсат етілген. Денсаулығына байланысты екпе ала алмайтын балалар, өзге балалардың вакцина алуы арқылы ұжымдық иммунитет есебінен қорғалады.
РКС: Ведомствоның мәліметінше, вакцинацияға азғасы кері әсер ететін балалар да бар. Қарсы көрсеткіштердің соңы жұқпалы ауруларға әкеліп соқтырады. Сондықтан ұжымдық иммунитетті қалыптастыру маңызды.
ЛАУРА ДӘУЛЕТБЕК, РАХАТ СӘЛЕЕВ, САБЫРБЕК ШЕРИЯЗДАНОВ, КӨКШЕ АҚПАРАТ