Көкшетауда «Менің адал әлемім» облыстық сурет байқауы өтті
ДИКТОР: Шаһарда «Менің адал әлемім» облыстық сурет байқауы өтті. Оқушылар шығармашылық арқылы адалдық, әділдік пен жауапкершілік туралы өз түсініктерін жеткізді. Байқауға 9 бен 17 жас аралығындағы балалар қатысты. Өнер сайысы шығармашылықты бала кезден қалыптасатын маңызды құндылықтар туралы пікірталаспен ұштастырды.
РКС: Шараның басты мақсаты - өнер арқылы адалдық, әділдік, ашықтық және сыбайлас жемқорлыққа төзбеушілік ұғымдарын ашу. Қатысушылар қарындаш пен акварельден бастап, гуашь пен пастельге дейін кез келген техниканы таңдай алды. Өз жұмыстарын 9-11, 12-14 және 15-17 жас аралығындағы мектеп оқушылары ұсынды. Көпшілік үшін байқау шығармашылық қабілеттерін танытып қана қоймай, маңызды қоғамдық құндылықтарға деген жеке көзқарасын білдіруге мүмкіндік болды.
СНХ: АЯЖАН АУҚАРОВА, БАЙҚАУҒА ҚАТЫСУШЫ: Мен үшін осында қатысып отырғаным үлкен мәртебе. Ұйымдастырушылардың осындай керемет іс-шара ұйымдастырғанына өте қуаныштымын. Жеңіске жетемін деп үміттенемін. Негізі, бұрын сурет салуға аса қызықпайтынмын. Дегенмен, қазір бұл менің үлкен хоббиіме айналды. Осы бағытта дамығым келеді және қолымнан келетініне сенемін. Бұл тақырып өте қызықты. Себебі қазір елімізде сыбайлас жемқорлық үлкен мәселе болып отыр. Сондықтан, бұл тақырыптың маңызы зор деп ойлаймын.
СНХ: ИСЛАМ БЕКБЕРГЕН, БАЙҚАУҒА ҚАТЫСУШЫ: Байқауға қатысуды шештім, себебі өз жұмыстарымды ұсынып, адалдық алдында бәрі тең екенін жеткізгім келді. Ешкім бір-бірін бағаламауы керек. Керісінше, барлығы бір-біріне түсіністікпен және әділдікпен қарауы қажет.
РКС: Байқау тек шығармашылық қабілеттерді танытатын алаң ғана емес, сонымен қатар оқушылармен маңызды азаматтық құндылықтар туралы пікір алмасуға мүмкіндік берді. Ұйымдастырушылар адал мінез-құлық пен жауапкершіліктің негізін бала кезден қалыптастыру маңызды екенін айтады. Бұл бағытта білім беру, шығармашылық және жеке үлгі ерекше роль атқарады.
СНХ: ӘНУАР ОМАРОВ, ОБЛЫСТЫҚ МЕМЛЕКЕТТІК ҚЫЗМЕТ ІСТЕРІ ДЕПАРТАМЕНТІ БАСШЫСЫНЫҢ ОРЫНБАСАРЫ: Бұл іс-шара аясында шығармашылық пен адалдық, парасаттылық сияқты маңызды өмірлік ұстанымдарды біріктіруге тырысып отырмыз. Себебі мұндай идеологияны қалыптастыруды мектеп қабырғасынан, бала кезден бастаған жөн. Сол кезде адам өміріндегі белгілі бір мінез-құлық ережелері, айналасындағыларға деген көзқарасы қалыптасады. Жалпы, қазір жүргізіліп жатқан жұмыстар мен саясатта өскелең ұрпаққа ерекше көңіл бөлінеді. Жастарға дұрыс құндылықтарды сіңіру еліміздің дамуына оң ықпал етеді.
РКС: Байқау қорытындысы бойынша қатысушыларға дипломдар табысталып, әр жас санаты бойынша жеңімпаздар анықталды. Үздік жұмыстардың авторлары ақшалай сыйлықтармен және сертификаттармен марапатталды.
ЕВГЕНИЙ ВАРАНКИН, ЗАРИНА САПАРҒАЛИЕВА, САБЫРБЕК ШЕРИЯЗДАНОВ, ЖАМБЫЛ БАЛТАЕВ, КӨКШЕ АҚПАРАТ