Патрульдік полицияның қызметі
ДИКТОР: Жыл басынан бері Көкшетаудың тәртіп сақшылары бейнебақылау камераларының көмегімен 7,5 мың әкімшілік құқық бұзушылықты анықтады. Құқық қорғау органдарының қызметкерлері қала көшелері мен қоғамдық орындарды бақылауда ұстайды. Қазіргі уақытта патрульдік полиция батальонының 75 қызметкері күнделікті кезекшілік атқаруда. Біздің түсірілім тобы тәртіп сақшыларының бір күндік жұмысымен танысты.
РКС: Әлішер Хайруллин патрульдік полиция батальонының инспекторы. Серіктесімен бірге өзіне бекітілген аумақты патрульдеу кезінде ол әрбір ұсақ-түйекке мұқият назар аударады. Жол қозғалысы жағдайы олардың жұмысындағы маңызды бағыттардың бірі. Тәртіп сақшылары жол белгілерінің жай-күйін, бағдаршамдардың жұмысын, жол таңбаларының көрінуін, сондай-ақ жүргізушілер мен жаяу жүргіншілердің жол ережелерін сақтауын қадағалайды.
СНХ: ӘЛІШЕР ХАЙРУЛЛИН, КӨКШЕТАУ ҚАЛАЛЫҚ ПОЛИЦИЯ БАСҚАРМАСЫ ПАТРУЛЬДІК ПОЛИЦИЯ БАТАЛЬОНЫ ҚЫЗМЕТІНІҢ ИНСПЕКТОРЫ: Кейде бірде-бір қоңырау болмайтын күндер болады, ал басқа уақытта бір қоңыраудан екіншісіне асығып, тыныс алуға уақытыңыз болмайды. Жол қозғалысы ережелерін бұзудан бастап, жүргізушілер арасындағы жолдағы дау-дамайға ұласатын оқиғалар болады. Біздің қаламызда әр түрлі ойын-сауық орындары бар, кейде келушілер төбелесіп немесе жанжал шығарады. Біз бірінші болып әрекет етеміз. Әрбір патрульдік бөлімшеге осы мекемелерді қамтитын арнайы сектор тағайындалған, сондықтан біз қоңырау түскен бойда бірден сол жерге барамыз. Дегенмен, көбінесе мәселе жаяу жүргіншілердің рұқсат етілмеген жерлерден көшені кесіп өтуіне байланысты болады.
РКС: Көкшетаудағы Абай көшесінде жол қозғалысы мен қоғамдық қауіпсіздікке қатысты түрлі құқық бұзушылықтарды тіркейтін «Сергек» камерасы жұмыс істейді. Полиция қызметкерлеріне жұмыс барысында басқа да бейнебақылау камералары көмектеседі.Олардың көмегімен өткен жылы тәртіп сақшылары 47 мың құқық бұзушылықты анықтаған.
СНХ: ӘМІР ҚАЙДАР, КӨКШЕТАУ ҚАЛАЛЫҚ ПОЛИЦИЯ БАСҚАРМАСЫ ПАТРУЛЬДІК ПОЛИЦИЯ БАТАЛЬОНЫНЫҢ ВЗВОД КОМАНДИРІ: Жедел басқару орталығындағы бейнекамералардың көмегімен біз әкімшілік құқық бұзушылықтарды анықтап, қылмыстарды ізін суыпмай ашамыз. Көкшетау қаласы бойынша көп камералар орнатылды. Олар тек орталық көшелерде ғана емес, сонымен қатар тұрғын үй аулаларында да бар. Сондай-ақ біз көлік жүргізу кезінде қауіпсіздік белдігін тақпау мен ұялы телефонды пайдалануды тіркейтін, сондай-ақ жүргізуші куәлігінен айырылған жүргізушілерді анықтайтын жаңа «Сергек» камералар жүйесін де қолданамыз.
РКС: Қалада қоғамдық тәртіпті сақтау және жол қауіпсіздігін қамтамасыз ету мақсатында күн сайын шамамен он патрульдік топ кезекшілікке шығады. Патрульдік қызметкердің жұмысы тек құқық бұзушыларды ұстау және хаттама толтырумен шектелмейді. Жедел әрекет ету ауыр зардаптардың алдын алуға көмектеседі.
ГӘККУ АСЫЛБЕКҚЫЗЫ, ВЕРОНИКА ЦВЕТКОВА, САБЫРБЕК ШЕРИЯЗДАНОВ, АЛМАС СӘДУӘҚАСОВ, КӨКШЕ АҚПАРАТ