ДИКТОР: Облыс әкімінің орынбасары Ернар Жәркешов Францияның Қазақстан Республикасындағы Төтенше және Өкілетті Елшісі Сильван Гиогемен кездесу өткізді. Келіссөздердің басты тақырыбы экономикалық саладағы екіжақты ынтымақтастықты нығайту және жасанды интеллектіні дамыту болды.
РКС: Кездесу басында облыс әкімінің орынбасары елшіге облыс орталығына келгені үшін алғыс айтты. Ол сондай-ақ Франция Қазақстанның маңызды серіктесі болып табылатынын атап өтті. Тараптар ауыл шаруашылығы, денсаулық сақтау, агроөнеркәсіптік кешен және ІТ-саласындағы ынтымақтастықты кеңейту мәселелерін талқылады.
СНХ: ЕРНАР ЖӘРКЕШОВ, АҚМОЛА ОБЛЫСЫ ӘКІМІНІҢ ОРЫНБАСАРЫ: Біз Қазақстанда ауыл шаруашылығы өнімдерін өндіру көлемі бойынша, атап айтқанда, негізгі өнімі бидай болып табылатын өсімдік шаруашылығы бойынша абсолюттік көшбасшымыз. Қазақстанда бидай көлемінің 27 проценті Ақмола облысында өндіріледі. Оның 60 проценті Ақмола облысында өндіріледі. Біз Қытайға, Өзбекстанға, сондай-ақ Эстония порты арқылы Еуропалық Одаққа - Италияға, Бельгияға және басқа да елдерге экспортталатын шикізатпен ғана шектелмейміз. Біз жоғары қосымша құн әкелетін терең өңдеумен айналысамыз. Бұл бағытта біз түрлі инвесторлармен ынтымақтасамыз. Қазір қытайлық инвесторлар өңірде екі зауыт салып жатыр.
РКС: Өз тарапынан Сильван Гиоге Францияның жылы қабылдауы мен серіктестікті нығайтуға деген қызығушылығы үшін алғысын білдірді. Елші сондай-ақ Ақмола облысының бірлескен жобалар үшін әлеуеті зор екенін атап өтті.
СНХ: СИЛЬВАН ГИОГЕ, ФРАНЦИЯНЫҢ ҚАЗАҚСТАН РЕСПУБЛИКАСЫНДАҒЫ ТӨТЕНШЕ ЖӘНЕ ӨКІЛЕТТІ ЕЛШІСІ: Біздің қарым-қатынастарымызды әртараптандырудың негізгі бағыттары - бұл, әрине, ауыл шаруашылығы, сондықтан біз үшін сіздерге келу өте маңызды, өйткені ауыл шаруашылығы - бұл ірі бағыт. Екіншісі - денсаулық сақтау. Сондай-ақ қалалық қызметтер, негізінен сумен жабдықтау және жылумен жабдықтау компаниялары. Біз қазір Қазақстанның кейбір қалаларымен келіссөздер жүргізіп жатырмыз. Тағы бір бағыт - цифрландыру. Бізде бұл бағыт белсенді дамып келеді және біз Астанадағы көрмеге қатыстық. Францияда біз жасанды интеллекттің белсенді дамуын көріп отырмыз.
РКС: Кездесу соңында қатысушылар естелік сыйлықтармен алмасып, мақсатты жоспарларды жүзеге асыруға дайын екендіктерін білдірді.
МАҚПАЛ АЙБАБИНА, ВЕРОНИКА ЦВЕТКОВА, БАУЫРЖАН СМАҒҰЛОВ, КӨКШЕ АҚПАРАТ