ДИКТОР: Күн сайын қала тұрғындары жүздеген хат пен сәлемдеме алып жатады. Шаһардың пошта қызметкерлері тәулігіне 800-ге дейін жедел және тапсырысты хаттарды дер кезінде жеткізіп, халыққа сапалы қызмет көрсетіп келеді. Қазпоштаның жергілікті бөлімшесінде бүгінде 20-ға жуық маман еңбек етеді. Олардың бір күндік жұмысымен тілшіміз танысып қайтты.
РКС: Поштадағы жұмыс күні қызу қарбаласпен басталады. Сұрыптау бөлімінде қызметкерлер хаттар, газеттер мен сәлемдемелерді қабылдап, бағыттарға бөліп үлгереді. Жөнелтімдер Қазақстанның түкпір-түкпірінен ғана емес, алыс-жақын шетелдерден де келіп түседі. Әр қызметкердің өзіне бекітілген аймағы, күн сайын атқаратын жауапты міндеттері бар. Айтуынша, технология, электронды поштаның дамығанына қарамастан, әлі де қағаз хаттарды асыға күтетін жандар бар.
СНХ: ЕЛЕНА ШЛЕЙНИНГ, ПОШТА ҚЫЗМЕТКЕРІ: Біздің жұмыс жеңіл емес. Ауа райына қарамастан, хат-хабарды уақытылы жеткізуіміз керек. Менің көлігім бар, сондықтан аяз, боран болған кезде жылынып аламын. Зейнеткерлер бізді ерекше күтеді, әсіресе пенсия апаратын күндері. Кейбірі шайға шақырып, әңгімелесіп қалады.
РКС: Елена бұл салада 13 жылдан бері еңбек етіп келеді. Тәжірибесімен жас мамандармен бөлісуден де жалыққан емес.
СНХ: ЕЛЕНА АЛЕКСАНДРОВА, ПОШТА ҚЫЗМЕТКЕРІ: Мен де Елена сияқты көп жылдан бері осы саладамын. Осы уақыт ішінде екеуміз жақсы дос болып кеттік. Бұл жұмыс адамдарға мейірім, жылулық сыйлайды. Технология дамыған сайын біз де жаңалықтарға бейімделіп, телефонмен жұмыс істеуді меңгеріп жатырмыз. Ұжымымыз өте тату. Біреу ауырып қалса, міндетті түрде бір-бірімізді алмастырып, жұмыстың тоқтап қалмауын қадағалаймыз.
РКС: Биыл қаланың пошта қызметкерлері тұрғындарға 100 мыңнан аса пошта жөнелтімін жеткізген.
ЖАНАР МҰҚЫШЕВА, ВЕРОНИКА ЦВЕТКОВА, МЕДЕТ ҚАЙЫРКЕНОВ, КӨКШЕ АҚПАРАРАТ