ДИКТОР: Көкшетау қалалық 5510 әскери бөлімінде әскери қызметшілер арасында "Ұландарды ұлықтаған Мәңгілік ел" атты суырып салма ақындар айтысы өтті. Талантты жастардың өнерін шыңдауға бағытталған мәдени шара әскери бөлімде алғаш рет ұйымдастырылған.
ИНТЕРШУМ:
РКС: Айтыс мемлекеттік тілді терең оқып-білуді, салт-дәстүрлерімізді жаңғыртып, киелі мұраны кеңінен насихаттауды көздейді. Бұл ауқымды әрі қызықты шара бөлім қызметкерлері арасында үлкен қызығушылық тудырды. Айтыс - қазақтың ұлттық өнерінің асыл қазынасы және бұл шара бөлімнің мәдени өмірін әртараптандырып, қызметкерлердің шығармашылық қабілеттерін паш ету мақсатында ұйымдастырылды.
СНХ: БАУЫРЖАН НҰРҒАЛИЕВ, 5510 ӘСКЕРИ БӨЛІМІНІҢ ТӘРБИЕ ЖӘНЕ ӘЛЕУМЕТТІК ҚҰҚЫҚТЫҚ ЖҰМЫСТАР БӨЛІМШЕСІ БАСТЫҒЫНЫҢ АҒА КӨМЕКШІСІ: Ақындар айтысының бірінші кезеңі өтіп жатыр. Айтыста жеңімпаз болған адам бірінші кезеңде, ол орта өңірлік қолбасшының жеті әскери бөлімінің ішіндегі жеңімпаздармен айтысатын болады. Айтысқа осы әскери бөлімнің қызметшілері қатысады.
РКС: Додалы жарысқа әр бөлімшеден 4 ақын қатысты. Олардың арасында тәжірибелі ақындар мен жаңадан шыққан таланттар бар. Әр қатысушы өз өнерін ортаға салып, өлеңмен ой бөлісіп, түрлі әлеуметтік және әскери тақырыптарды қозғады. Айтыстың нәтижесі бойынша жеңіске жеткен қатардағы жауынгер Ернар Төлеген. Ол материалдық-техникалық қамтамасыз ету ротасының сарбазы. Оның айтыс барысында көрсеткен суырып салмалық шеберлігі мен шығармашылық көзқарасын қазылар алқасы жоғары бағалады.
СНХ: ЕРНАР ТӨЛЕГЕН, 5510 ӘСКЕРИ БӨЛІМІ МАТЕРИАЛДЫҚ-ТЕХНИКАЛЫҚ ҚАМТАМАСЫЗ ЕТУ РОТАСЫНЫҢ САРБАЗЫ: Барлықтарыңызға шын жүректен алғыс айтамын. Алғысым шексіз. 5510 әскери сарбаздары арасында әдемі айтыс өтті. Осы айтыста бірінші орын жүлдегері болдым. Оңай болмады. Финалға шығудың өзі қиын болды. Енді ақын болғаннан кейін халқымызға жақсы сөзді дәріптеп, әдемі жырымызбен халқымызды, осы сарбаздарға жігер рух беріп,осындай әдемі айтысты ұйымдастырған болатынбыз.Осы айтысқа қатысқан барша қарсыластарыма да алғысым шексіз.
РКС: Жеңімпазға диплом мен бағалы сыйлық табыс етілді. Сонымен қатар, басқа қатысушылар да елеусіз қалмай, арнайы сыйлық және дипломдармен марапатталды. Айта кетейік, ақындар айтысының екінші кезеңі маусым айына жоспарланып отыр. Бұл шара қатысушылардың бір-біріне деген құрметін, достығын және мәдени құндылықтарға деген сүйіспеншілігін арттырды. Шара барысында айтыстан бөлек, талантты сарбаздар ән мен күйден шашу шашты.
ИНТЕРШУМ:
СӘНИЯ ЕСІМСЕЙІТОВА, ЖҮРСІН ӨМІРЗАҚ, КӨКШЕ АҚПАРАТ