ДИКТОР: Елімізде «Бір күндік клиника» жобасы жүзеге асырылуда. Бірегей жоба Көкшетауда тамыз айында бастау алған. Осы аралықта «Бір терезе қағидаты» бойынша 1 мыңнан астам жүкті әйел диагностикалық тексеруден өтті.

РКС: «Бір күндік клиника» жобасы жүкті әйелдерді тексеру кезінде инновациялық әдістерді қолдана отырып, балалардың туабітті кінәратын, сондай-ақ патологиялық ауытқуларды жүктіліктің ерте кезеңінде анықтайды. Оның аясында әйелдер барлық қажетті талдауды бір күнде тапсырып, 40 минутта қорытындысын ала алады. Бүгінде 1 мыңнан астам жүкті әйел перинаталды диагностика қызметін пайдаланды. 40-қа жуық әйелде ұрықтың денсаулығына жоғары қауіп анықталды.

СНХ:РАУШАН ЕРЕНҒАЙЫП, ОБЛЫСТЫҚ ПЕРИНАТАЛДЫҚ ОРТАЛЫҒЫ МЕДИЦИНАЛЫҚ-ГЕНЕТИКАЛЫҚ ЗЕРТХАНАСЫНЫҢ ГЕНЕТИК-ДӘРІГЕРІ: Егер қажетті жағдай болып жатса, қосымша тексерілуге баланың тұқым қуалайтын ауруларын анықтауға біз көбінесе Астанаға жібереміз Ана мен Бала орталығына. Қазіргі уақытта осы тамыз айынан бастап 1027 әйел тексеруден өтті. Оның ішінде 36 әйелде қауіп-қатер анықталған. Оларды Астанаға басқа да үлкен орталықтарға жібердік тексерілуге. Негізгі қорытынды бойынша біз 2024 жылы 16 хромосомдық ауруды анықтадық. Мультидисципленарлық шешім бойынша барлық жүктілікті үзуге тура келді.

РКС: «Бір күндік клиника» жобасы аясында сатып алынған Брамс Криптор компакт Плюс анализаторы Даун, Паттау, Эдвардс сияқты жиі кездесетін туа біткен ауруларды анықтауға мүмкіндік береді. Басты талап - талдау жүктіліктің 13 аптаға дейін жүргізілуі тиіс.

СНХ:РАУШАН ЕРЕНҒАЙЫП, ОБЛЫСТЫҚ ПЕРИНАТАЛДЫҚ ОРТАЛЫҒЫ МЕДИЦИНАЛЫҚ-ГЕНЕТИКАЛЫҚ ЗЕРТХАНАСЫНЫҢ ГЕНЕТИК-ДӘРІГЕРІ: Өкінішке орай, 2024 жылы 11 бала хромосомдық аурымен туылды. Өйткені 90 процент аналары тексерілуден бас тартқан. Ол бастапқы кезде барлық тексеруден өтіп, нақты шешім қабылдайтын уақытта бас тартады. Өйткені инвазивный диагностика деген бар іште жатқан баланы анықтайтын әдіс бар. Хромосомдық ауытқуларды тексеретін – осы әдістен көбіне бас тартады.

РКС:Жоба аясында болашақ аналар ультрадыбыстық зерттеу, биохимиялық скрининг және генетикалық кеңестен өтеді. Диагностикалық қызмет міндетті әлеуметтік медициналық сақтандыру аясында қаржыландырылып, учаскелік дәрігердің жолдамасы бойынша тегін көрсетіледі.

ЖАНАР МҰҚЫШЕВА, МЕДЕТ ҚАЙЫРКЕНОВ, КӨКШЕ АҚПАРАТ