ДИКТОР: Щучинск қаласының 500-ге жуық абоненті орталықтандырылған жылу жүйесіне қосылды. Қаланың екі ықшам ауданында яғни, Горный мен Ремзаводта жылу магистралінің құрылысы мен жөндеу жұмысы аяқталды. Ондаған көпқабатты үй мен бірнеше мектеп орталықтандырылған жылуға қосылды. Бурабай ауданына жұмыс сапары аясында облыс әкімі Марат Ахметжанов жылу жүйесіне алғашқылардың бірі болып қосылған Бекмағамбетовтардың отбасына барып, мән-жайды өз көзімен көрді.

ШУМ:

РКС: Досым мен Бағила Бекмагамбетовтар Горный ауданындағы 16-шы үйде 30 жылдан бері тұрып келеді. Көпқабатты үйдің үшінші қабатында тұрғанымен, бұл отбасы бұған дейін пеш жағып келген. Бұл үйде 30 пәтер бар, тұрғындар өзара тату, барлық мәселені ақылдасып, бірге шешеміз дейді. Аталған үй орталықтандырылған жылу жүйесіне қайта қосылған алғашқы баспананың бірі.

СНХ: ДОСЫМ БЕКМАҒАМБЕТОВ, ЩУЧИНСК ҚАЛАСЫНЫҢ ТҰРҒЫНЫ: Осы қаланың тұмасымын. Осы жерде 95-тен тұрамын. Сол 96-дан 23-ші жылға дейін пеш жақтық. Отопление бәрін тоқтады ғой Кенес заманда. Отоплениені істеді биыл. Рахмет айтамыз. Жылу келді, енді қаланың тұрғындары сияқтымыз. Пеш жақпайсың. Соның бәрі – үкіметтің арқасы. Бүкіл микрорайон, бәрінде жылу бар. Танертең тұрдың, кешке жаттың, 24 градус үйдін ішінде. Көмірді ұмыттық. Сондай жағдай. Әйеліміз екеуімен ғана тұрамыз. Балалар Астанада.

РКС: Жылу құбырының ұзындығы 3 шақырымнан асады. Жоба 2023 жылдың мамырында қолға алынған. Өткен жылдың қазанында жылу трассасы аяқталып, алғашқы абоненттер қосылды. Жобаның арқасында барлығы 180 отбасы жылумен қамтылады.

 СНХ: АРАЙ САДЫҚОВ, БУРАБАЙ АУДАНЫНЫҢ ӘКІМІ: Жоба жүзеге асты, жылу берілді. Ендігі кезекте 12 ұңғыманы істеу қалды. Оны аяқтаған соң бұл жерді абаттандыруды соңына дейін жеткіземіз. Болашақта басқа тұрғындар орталықтандырылған жылу жүйесіне қосыламыз десе, оған мүмкіндік бар. Негізгі міндетіміз Горный мен Ремзаводты қосу болатын. Ол жоспарымыз орындалды.

РКС: Айта кетейік, былтыр Щучинск қаласында 8,5 шақырым жылу желісі қайта қалпына келтірілді. Бүгінде 11 үй орталықтандырылған жылу жүйесіне қосылған. Биыл қалған нысандардағы жұмыстар жылу беру маусымы аяқталғаннан кейін жалғасады.

МАҚПАЛ АЙБАБИНА, ЭЛЬМИРА ОСПАНОВА, БАУЫРЖАН СМАҒҰЛОВ, АЛМАС САДУАҚАСОВ, КӨКШЕ АҚПАРАТ.