ДИКТОР: Жыл басынан бері облыстық құрылыс, сәулет және қала құрылысы басқармасы 200-ден астам шараны жүзеге асырды. Бұл бағытқа қазынадан 200 миллиард теңгедей қаржы бағытталды.

РКС: «Жайлы мектеп» ұлттық жобасы аясында заманауи 6 мектептің құрылысы аяқталды. Оның бәрң озық STEM-зертханамен, хореография залдарымен, демалыс орындарымен және коворкингпен жарақтандырылған. Жыл соңына дейін 2 мың орындық тағы 3 мектептің құрылысын аяқтау жоспарда бар.

СНХ: АЗАМАТ БАЙҚУАНЫШЕВ, ОБЛЫСТЫҚ ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БАСҚАРМАСЫ БАСШЫСЫНЫҢ МІНДЕТІН АТҚАРУШЫ: Әлеуметтік салада 94 жоба жүзеге асырылуда. Ең маңыздысы мектептер салу. Биыл 15 мектептің құрылысы қолға алынып, оның 13-і қолданысқа берілді. Оның 9-ы жайлы мектеп болса, 4-еуі жергілікті бюджет есебінен салынды. Онда бір ауысымда 13,5 мың оқушы оқиды.

РКС: Денсаулық сақтау саласында 41 нысанның құрылысы қарастырылған. «Ауылда денсаулық сақтауды жаңырту» ұлттық жобасы бойынша алғашқы медициналық-санитарлық көмектің 28 нысанында құрылыс жұмыстары аяқталды. Мамандар құрылыс жұмыстарының сапасын бақылау қатаң жүргізілгенін атап өтті.

СНХ: АЗАМАТ БАЙҚУАНЫШЕВ, ОБЛЫСТЫҚ ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БАСҚАРМАСЫ БАСШЫСЫНЫҢ МІНДЕТІН АТҚАРУШЫ: Техникалық бақылау жүзеге асырылуда. Яғни бұл жұмыстар мемлекеттік сатып алулар туралы келісім-шартқа сәйкес жүргізіліп жатыр. Айта кету керек, жыл басынан бері анықтау процедурасына өзгерістер енгіздік. Рейтингтік-баллдық жүйенің көмегімен құрылыс бөлігін, құрылысты салушы мен техникалық бақылауды анықтаудың бәрі толығымен адамның қатысуынсыз өтеді. Мейлінше ашық түрде жасалады.

РКС: Аймақтың 11 ауданында баспана құрылысы жүріп жатыр. Көппәтерлі 29 үй салынды. Соның арқасында 1700-ге жуық отбасы баспанамен қамтылды. Олардың ішінде халықтың әлеуметтік осал тобы санатына жататындар да бар. 14,7 миллиард теңгеге 850 пәтер сатып алынды. Облыстың 4 ауданында су тасқынынан зардап шеккендерге 330 үйдің құрылысы аяқталды. Биыл Көкшетауда алғаш рет тұрғын үйді реновациялау жүргізілді. Апатты 6 үй сүрілді. Оның орнына 234 пәтерлі екі тұрғын үйдің құрылысы басталды.

ТОҒЖАН БАЙМЕНОВА, ЗАРИНА БЕКҚАЛИЕВА, ЖҮРСІН ӨМІРЗАҚ, КӨКШЕ АҚПАРАТ