ДИКТОР: «Таза Қазақстан» республикалық акциясы аясында Шоқан Уәлиханов атындағы Көкшетау университетінің ұстаздары мен студенттері оқу орны мен жатақхана маңын қардан тазартты. Бұл шара жалғаса береді,-дейді ұйымдастырушылар.
РКС: «Таза Қазақстан» акциясына 50-ге жуық студент шықты. Олар Ақан сері және Қуанышев көшелеріндегі жатақхана маңын қардан тазартты. Университеттің 3 курс сутденті, волонтерлік саладағы жаттықтырушы Милана Сайлаубаева «Таза Қазақстан» республикалық акциясы жастар үшін маңызды бастама,-дейді.
СНХ:МИЛАНА САЙЛАУБАЕВА, Ш.УӘЛИХАНОВ АТЫНДАҒЫ КӨКШЕТАУ УНИВЕРСИТЕТІ СТУДЕНТТІК ПАРЛАМЕНТІНІҢ ТӨРАҒАСЫ: Себебі ол университеттер үшін, экологиялық білім мен жастардың бос уақытын дамытуға арналған керемет құрал. «Таза Қазақстан» экологиялық акциясына тек қана студенттер ғана емес,сонымен қатар біздің мұғалімдер де жұмыла ат салысуда. Бізде студенттік парламенттің отырысында проректордың қатысуымен жастар департаментінің басшысымен біз «Таза Қазақстан» экологиялық акциясын талқылаған болатынбыз. Және ол жерде біз не себепті экологиялық, яғни экологиялық білімнің дамытудың қазіргі таңдағы маңыздылығын атап өттік.
РКС:Айта кетейік, акция мемлекет басшысының бастамасы негізінде жүзеге асырылуда. Бұл шараға облыс бойынша жыл бойы 500 мыңға жуық адам қатысты.
СНХ:ДИДАР ХАМЗИН, «ВОЛОНТЕРЛЕРДІ ҚОЛДАУ ОРТАЛЫҒЫ» ФРОНТ-КЕҢСЕСІНІҢ БАСШЫСЫ: Соның ішінде 1000-нан астам ағаш көшеттері отырғызылған болатын. Және де 80 мыңнан астам қоқыс шығарылған болатын. Жалпы біздің Көкшетау қаласында өткізіліп жатқан осы Таза Қазақстан акциясының ең белсенді қатысып жатқан Ш. Уәлиханов университетінің студенттері. «Таза Қазақстаннан» бөлек, тағы да экологиялық акциялар енгізуде. Олардың ішінде «Таза жағалау», яғни Қопа көлі мен Қылшақты өзенінің бойындағы барша қоқысты тазарту жұмыстарын жасап, тарихи мәдени мұралары бар сокральды объектілердің жанындағы барша қоқыстарды шығарып, ағарту безендіру, абаттандыру жұмыстарын жасауда.
РКС: Тазалық әр шаңырақтан, әр ауладан өз бастау алса-дейді акция белсенділері. «Таза Қазақстан» республикалық акциясы жыл соңына дейін жалғасады.
САБИНА ЖАМШИТОВА, ВАСИЛИЙ ВЕРЕЖНИКОВ, КӨКШЕ АҚПАРАТ