ДИКТОР: Биыл Заводской ауылында жалпы білім беретін мектепке күрделі жөндеу жасалды. 1959 жылы салынған ескі ғимарат тозып тұр еді. 2 жылдық жоба аясында бастауыш пен жоғары сыныптарға арналған 2 ғимарат жөнделді. Бұл ауыл өміріндегі үлкен оқиға болды.
РКС: Мектепте екі ауысымда бес жүзден астам бала оқиды. Тәрбие жұмысына ерекше көңіл бөлінеді. Мектепте спорт секциялары, қолөнер шеберлігі, шахмат, тоғызқұмалақ, домбыра, хореография үйірмелері бар. Мектептегі күрделі жаңартудың арқасында толыққанды жұмыс жасауға болады. Үйірме жетекшілерінің оқушыларды дамыту үшін өз бөлмесі бар.
СНХ: ТАТЬЯНА ДОЦЕНКО, ХОРЕОГРАФ: Бидің бағыты әр түрлі. Халықтық стильдер, классикалық және заманауи. Қазір заманауи нөмірді үйретіп жатырмыз. Балалар Жаңа жыл мерекесінде өнер көрсетеді. Содан кейін байқауға қатысудамыз, балалар тек мектепте ғана емес, басқа жерлерде де өнер көрсетпек.
РКС: Үйірмеге 30-ға жуық бала қатысып жүр. Демеушілердің көмегінің арқасында мектеп домбырашылары үшін музыкалық аспаптар да сатып алынды.
СНХ: ШЫНАР ДӘУЛЕНБАЕВА, ҮЙІРМЕ ЖЕТЕКШІСІ: Біз домбыраны нотасыз үйренеміз. Балалар көзбен-көз, домбыраға маған қарайды, солай жаттайды. Оқушылар өте талантты, дарынды балалар. Бірнеше байқауларға барып жүлделі орынға ие болды.
РКС: Бүгінде мектеп педагогикалық кадрлармен толық қамтылған. Оқушыларды білікті мұғалімдер оқытады. Биыл білім беру мекемесіне 3 жас маман жұмысқа орналасты. Директор бірлескен күш-жігердің арқасында толыққанды жұмыс атқарылғанын атап өтті. Күрделі жөндеуге облыстық, қалалық және ауылдық деңгейде жетекшілік етті. Тіпті мектепті ұлттық және спорттық киімдермен, әскери формамен жабдықтаған демеушілер де болды.
СНХ: ШЫНАРА ДӘУЛЕНБАЕВА, ЗАВОДСКОЙ АУЫЛЫНЫҢ ЖАЛПЫ БІЛІМ БЕРЕТІН МЕКТЕБІНІҢ ДИРЕКТОРЫ: Білім бөліміне көмек көрсеткені үшін үлкен алғысымды білдіргім келеді. Биыл білім бөлімі күрделі жөндеуден кейін бізге STEM-кабинет берді, материалдық-техникалық базаны жақсартуға көмектесті. Біз әр кабинетте сенсорлық тақталарды, бастауыш мектептің әр кабинетіне балаларға жеке жаңа шкафтар сатып алдық. Асханаға жаңа жиһаз сатып алдық, акт залы да безендірілді.
СНХ: НАТАЛЬЯ ДРОЗДОВА, ЗАВОДСКОЙ АУЫЛЫНЫҢ ЖАЛПЫ БІЛІМ БЕРЕТІН МЕКТЕБІНІҢ КІТАПХАНАШЫ: Күрделі жөндеуді көптен күттік, енді барлық жұмыстар аяқталды. Көптеген жаңа техника сатып алынды. Осы мектептің түлегі ретінде мен осы үлкен жұмысты жасағандарға алғыс айтқым келеді. Бұл мектептің қалай өзгергенін, қаншалықты жаңа екенін, мұнда қанша инвестиция салынғанын көргенде алғысымыз шексіз.
РКС: Мектепте терезелер мен есіктер, еден ауыстырылды. Жылыту, су құбыры, кәріз, электр жарығы және өрт дабылы жүйесі жаңартылды. Сыртқы жұмыстар да орындалды.
ТОҒЖАН БАЙМЕНОВА, ВЕРОНИКА ЦВЕТКОВА, БАУЫРЖАН СМАҒҰЛОВ, КӨКШЕ АҚПАРАТ.