ДИКТОР: Егіннің рекордтық көрсеткіштері, өңдеуші саланың дамуы және ауыл шаруашылығына қарастырылып отырған ауқымды инвестициялар туралы брифингте баяндалды. Қазіргі заманғы агротехнологияларды енгізу және минералды тыңайтқыштарды ұлғайту арқасында биыл 6,6 миллион тонна астық жиналғаны белгілі. Өнімнің 60% - дан үшінші классқа жатады, яғни сапасы жақсы. Оны қалай сақтау керек, бүгінгі ауыл шаруашылығы қандай жағдайда? Тілші материалында.
РКС: Биыл аймақ мол өнім жинап, қуантып отыр. Оны сақтау үшін сыйымдылығы 7,2 миллион тонна болатын 66 астық қабылдағыш бар. Сондай-ақ, сағатына 9,6 мың тоннаға дейін астық өңдей алатын 270 кептіру кешені жұмыс істейді.
СНХ: МҰРАТ БАЛПАН-АҚМОЛА ОБЛЫСЫ ӘКІМІНІҢ ОРЫНБАСАРЫ: Мемлекет басшысының тапсырмасына сәйкес "Азық-түлік корпорациясы "ҰК" АҚ ауыл шаруашылығы тауарын өндірушілерден, бірінші кезекте шағын және орта шаруашылықтардан астықты тікелей сатып алу бағдарламасын бастады. Бұл мақсатқа 10 млрд.теңге бөлінді, бұл астық нарығын тұрақтандыруға және фермерлердің қарыздарын өтеуге ықпал етеді.
РКС: Биыл агроөнеркәсіптік кешенді жаңғыртуға 140 млрд. теңге бағытталды. Тек ауыл шаруашылығы техникасын сатып алуға 45 млрд. "Кең дала" және "Кең дала 2" жеңілдікті кредиттеу бағдарламалары 600-ден астам шаруашылыққа қолдау көрсетті. Мал шаруашылығы саласы да атап өтілді. Өңірде 7 ірі сүт-тауар фермасын құру жұмыстары жүргізілуде. Тауарлық сүт өндірісі 1,5 есе артады. Брифингте ветеринария саласы да қозғалды.
СНХ: МҰРАТ БАЛПАН-АҚМОЛА ОБЛЫСЫ ӘКІМІНІҢ ОРЫНБАСАРЫ: Заңға сәйкес қаңғыбас жануарлардың санын реттеу гумандық әдістермен жүзеге асырылады. 2024 жылға қаңғыбас иттер мен мысықтардың санын реттеу үшін облыс бюджетінен 96,5 млн. теңге бөлінді. Жыл басынан бері 6 мыңнан астам қаңғыбас иттер ұсталды. Өңірлерде, аудандар мен қалалардың әкімдіктерінде қаңғыбас жануарлармен жағдайды тұрақтандыру үшін уақытша ұстау пункттерін салу мәселесі пысықталуда.
РКС: 2025 жылғы агро кезеңге дайындық басталып кеткенін атап өткен жөн. Осы айдан бастап фермерлер жеңілдетілген несиелерге өтініш бере алады. Сондай-ақ, келесі жылы майлы және жемшөп дақылдарының көлемі ұлғайтылмақ.
НҰРСӘУЛЕ МҰРАТ,ЗАРИНА БЕКҚАЛИЕВА, ВАСИЛИЙ ВЕРЕЖНИКОВ,
КӨКШЕ АҚПАРАТ.